Rigveda 7.8

ऋग्वेद 7.8

VedicUniversal

Sanskrit Text

७ मैत्रावरुणिर्वसिष्ठ:। अग्नि: । त्रिष्टुप् । इ॒न्धे राजा॒ सम॒र्यो नमो॑भि॒र्यस्य॒ प्रती॑क॒माहु॑तं घृ॒तेन॑ । नरो॑ ह॒व्येभि॑रीळते स॒बाध॒ आग्निरग्र॑ उ॒षसा॑मशोचि ॥१॥ अ॒यमु॒ ष्य सुम॑हाँ अवेदि॒ होता॑ म॒न्द्रो मनु॑षो य॒ह्वो अ॒ग्निः । वि भा अ॑कः ससृजा॒नः पृ॑थि॒व्यां कृ॒ष्णप॑वि॒रोष॑धीभिर्ववक्षे ॥२॥ कया॑ नो अग्ने॒ वि व॑सः सुवृ॒क्तिं कामु॑ स्व॒धामृ॑णवः श॒स्यमा॑नः । क॒दा भ॑वेम॒ पत॑यः सुदत्र रा॒यो व॒न्तारो॑ दु॒ष्टर॑स्य सा॒धोः ॥३॥ प्रप्रा॒यम॒ग्निर्भ॑र॒तस्य॑ शृण्वे॒ वि यत्सूर्यो॒ न रोच॑ते बृ॒हद्भाः ।

Transliteration

7 maitrāvaruṇirvasiṣṭha:| agni: | triṣṭup | i॒ndhe rājā॒ sama॒ryo namo̭bhi॒ryasya॒ pratī̭ka॒māhṷtaṃ ghṛ॒tena̭ | naro̭ ha॒vyebhi̭rīl̤ate sa॒bādha॒ āgniragra̭ u॒ṣasā̭maśoci ||1|| a॒yamu॒ ṣya suma̭hā~ avedi॒ hotā̭ ma॒ndro manṷṣo ya॒hvo a॒gniḥ | vi bhā a̭kaḥ sasṛjā॒naḥ pṛ̭thi॒vyāṃ kṛ॒ṣṇapa̭vi॒roṣa̭dhībhirvavakṣe ||2|| kayā̭ no agne॒ vi va̭saḥ suvṛ॒ktiṃ kāmṷ sva॒dhāmṛ̭ṇavaḥ śa॒syamā̭naḥ | ka॒dā bha̭vema॒ pata̭yaḥ sudatra rā॒yo va॒ntāro̭ du॒ṣṭara̭sya sā॒dhoḥ ||3|| praprā॒yama॒gnirbha̭ra॒tasya̭ śṛṇve॒ vi yatsūryo॒ na roca̭te bṛ॒hadbhāḥ |