Rigveda 7.54

ऋग्वेद 7.54

VedicUniversal

Sanskrit Text

३ मैत्रावरुणिर्वसिष्ठ:। वास्तोष्पति:। त्रिष्टुप् । वास्तो॑ष्पते॒ प्रति॑ जानीह्य॒स्मान्त्स्वा॑वे॒शो अ॑नमी॒वो भ॑वा नः । यत्त्वेम॑हे॒ प्रति॒ तन्नो॑ जुषस्व॒ शं नो॑ भव द्वि॒पदे॒ शं चतु॑ष्पदे ॥१॥ वास्तो॑ष्पते प्र॒तर॑णो न एधि गय॒स्फानो॒ गोभि॒रश्वे॑भिरिन्दो । अ॒जरा॑सस्ते स॒ख्ये स्या॑म पि॒तेव॑ पु॒त्रान्प्रति॑ नो जुषस्व ॥२॥ वास्तो॑ष्पते श॒ग्मया॑ सं॒सदा॑ ते सक्षी॒महि॑ र॒ण्वया॑ गातु॒मत्या॑ । पा॒हि क्षेम॑ उ॒त योगे॒ वरं॑ नो यू॒यं पा॑त स्व॒स्तिभि॒: सदा॑ नः ॥३॥

Transliteration

3 maitrāvaruṇirvasiṣṭha:| vāstoṣpati:| triṣṭup | vāsto̭ṣpate॒ prati̭ jānīhya॒smāntsvā̭ve॒śo a̭namī॒vo bha̭vā naḥ | yattvema̭he॒ prati॒ tanno̭ juṣasva॒ śaṃ no̭ bhava dvi॒pade॒ śaṃ catṷṣpade ||1|| vāsto̭ṣpate pra॒tara̭ṇo na edhi gaya॒sphāno॒ gobhi॒raśvḙbhirindo | a॒jarā̭saste sa॒khye syā̭ma pi॒teva̭ pu॒trānprati̭ no juṣasva ||2|| vāsto̭ṣpate śa॒gmayā̭ saṃ॒sadā̭ te sakṣī॒mahi̭ ra॒ṇvayā̭ gātu॒matyā̭ | pā॒hi kṣema̭ u॒ta yoge॒ varaṃ̭ no yū॒yaṃ pā̭ta sva॒stibhi॒: sadā̭ naḥ ||3||