Rigveda 7.51

ऋग्वेद 7.51

VedicUniversal

Sanskrit Text

३ मैत्रावरुणिर्वसिष्ठ:। आदित्या: । त्रिष्टुप् । आ॒दि॒त्याना॒मव॑सा॒ नूत॑नेन सक्षी॒महि॒ शर्म॑णा॒ शंत॑मेन । अ॒ना॒गा॒स्त्वे अ॑दिति॒त्वे तु॒रास॑ इ॒मं य॒ज्ञं द॑धतु॒ श्रोष॑माणाः ॥१॥ आ॒दि॒त्यासो॒ अदि॑तिर्मादयन्तां मि॒त्रो अ॑र्य॒मा वरु॑णो॒ रजि॑ष्ठाः । अ॒स्माकं॑ सन्तु॒ भुव॑नस्य गो॒पाः पिब॑न्तु॒ सोम॒मव॑से नो अ॒द्य ॥२॥ आ॒दि॒त्या विश्वे॑ म॒रुत॑श्च॒ विश्वे॑ दे॒वाश्च॒ विश्व॑ ऋ॒भव॑श्च॒ विश्वे॑ । इन्द्रो॑ अ॒ग्निर॒श्विना॑ तुष्टुवा॒ना यू॒यं पा॑त स्व॒स्तिभि॒: सदा॑ नः ॥३॥

Transliteration

3 maitrāvaruṇirvasiṣṭha:| ādityā: | triṣṭup | ā॒di॒tyānā॒mava̭sā॒ nūta̭nena sakṣī॒mahi॒ śarma̭ṇā॒ śaṃta̭mena | a॒nā॒gā॒stve a̭diti॒tve tu॒rāsa̭ i॒maṃ ya॒jñaṃ da̭dhatu॒ śroṣa̭māṇāḥ ||1|| ā॒di॒tyāso॒ adi̭tirmādayantāṃ mi॒tro a̭rya॒mā varṷṇo॒ raji̭ṣṭhāḥ | a॒smākaṃ̭ santu॒ bhuva̭nasya go॒pāḥ piba̭ntu॒ soma॒mava̭se no a॒dya ||2|| ā॒di॒tyā viśvḙ ma॒ruta̭śca॒ viśvḙ de॒vāśca॒ viśva̭ ṛ॒bhava̭śca॒ viśvḙ | indro̭ a॒gnira॒śvinā̭ tuṣṭuvā॒nā yū॒yaṃ pā̭ta sva॒stibhi॒: sadā̭ naḥ ||3||