Atharvaveda 19.64

अथर्ववेद 19.64

VedicProtection

Sanskrit Text

दीर्घायुत्वम्। १-४ ब्रह्मा। अग्निः। अनुष्टुप्। अग्ने॑ स॒मिध॒माहा॑र्षं बृह॒ते जा॒तवे॑दसे । स मे॑ श्र॒द्धां च॑ मे॒धां च॑ जा॒तवे॑दाः॒ प्र य॑च्छतु ॥१॥ इ॒ध्मेन॑ त्वा जातवेदः स॒मिधा॑ वर्धयामसि । तथा॒ त्वम॒स्मान् व॑र्धय प्र॒जया॑ च॒ धने॑न च ॥२॥ यद॑ग्ने॒ यानि॒ कानि॑ चि॒दा ते॒ दारू॑णि द॒ध्मसि॑ । सर्वं॒ तद॑स्तु मे शि॒वं तज्जु॑षस्व यविष्ठ्य ॥३॥ ए॒तास्ते॑ अग्ने स॒मिध॒स्त्वमि॒द्धः स॒मिद् भव । आयु॑र॒स्मासु॑ धेह्यमृत॒त्वमा॑चा॒र्याय ॥४॥

Transliteration

dīrghāyutvam| 1-4 brahmā| agniḥ| anuṣṭup| agnḙ sa॒midha॒māhā̭rṣaṃ bṛha॒te jā॒tavḙdase | sa mḙ śra॒ddhāṃ ca̭ me॒dhāṃ ca̭ jā॒tavḙdāḥ॒ pra ya̭cchatu ||1|| i॒dhmena̭ tvā jātavedaḥ sa॒midhā̭ vardhayāmasi | tathā॒ tvama॒smān va̭rdhaya pra॒jayā̭ ca॒ dhanḙna ca ||2|| yada̭gne॒ yāni॒ kāni̭ ci॒dā te॒ dārṷ̄ṇi da॒dhmasi̭ | sarvaṃ॒ tada̭stu me śi॒vaṃ tajjṷṣasva yaviṣṭhya ||3|| e॒tāstḙ agne sa॒midha॒stvami॒ddhaḥ sa॒mid bhava | āyṷra॒smāsṷ dhehyamṛta॒tvamā̭cā॒ryāya ||4||