Atharvaveda 19.2

अथर्ववेद 19.2

VedicProtection

Sanskrit Text

आपः। १-५ सिन्धुद्वीपः। आपः। अनुष्टुप्। शं त॒ आपो॑ हैमव॒तीः शमु॑ ते सन्तू॒त्स्याः । शं ते॑ सनि॒ष्यदा॒ आपः॒ शमु॑ ते सन्तु व॒र्ष्याः ॥१॥ शं त॒ आपो॑ धन्व॒न्याः॒३ शं ते॑ सन्त्वनू॒प्याः । शं ते॑ खनि॒त्रिमा॒ आपः॒ शं याः कु॒म्भेभि॒राभृ॑ताः ॥२॥ अ॒न॒भ्रयः॒ खन॑माना॒ विप्रा॑ गम्भी॒रे अ॒पसः॑ । भि॒षग्भ्यो॑ भि॒षक्त॑रा॒ आपो॒ अच्छा॑ वदामसि ॥३॥ अ॒पामह॑ दि॒व्याऽनाम॒पां स्रो॑त॒स्याऽनाम्। अ॒पामह॑ प्र॒णेज॒नेऽश्वा॑ भवथ वा॒जिनः॑ ॥४॥ ता अ॒पः शि॒वा अ॒पोऽय॑क्ष्मं॒कर॑णीर॒पः । यथै॒व तृ॑प्यते॒ मय॒स्तास्त॒ आ द॑त्त भेष॒जीः ॥५॥

Transliteration

āpaḥ| 1-5 sindhudvīpaḥ| āpaḥ| anuṣṭup| śaṃ ta॒ āpo̭ haimava॒tīḥ śamṷ te santū॒tsyāḥ | śaṃ tḙ sani॒ṣyadā॒ āpaḥ॒ śamṷ te santu va॒rṣyāḥ ||1|| śaṃ ta॒ āpo̭ dhanva॒nyāḥ॒3 śaṃ tḙ santvanū॒pyāḥ | śaṃ tḙ khani॒trimā॒ āpaḥ॒ śaṃ yāḥ ku॒mbhebhi॒rābhṛ̭tāḥ ||2|| a॒na॒bhrayaḥ॒ khana̭mānā॒ viprā̭ gambhī॒re a॒pasaḥ̭ | bhi॒ṣagbhyo̭ bhi॒ṣakta̭rā॒ āpo॒ acchā̭ vadāmasi ||3|| a॒pāmaha̭ di॒vyā'nāma॒pāṃ sro̭ta॒syā'nām| a॒pāmaha̭ pra॒ṇeja॒ne'śvā̭ bhavatha vā॒jinaḥ̭ ||4|| tā a॒paḥ śi॒vā a॒po'ya̭kṣmaṃ॒kara̭ṇīra॒paḥ | yathai॒va tṛ̭pyate॒ maya॒stāsta॒ ā da̭tta bheṣa॒jīḥ ||5||