Rigveda 8.84

ऋग्वेद 8.84

VedicUniversal

Sanskrit Text

९ उशना काव्य: । अग्नि: ।गायत्री । प्रेष्ठं॑ वो॒ अति॑थिं स्तु॒षे मि॒त्रमि॑व प्रि॒यम् । अ॒ग्निं रथं॒ न वेद्य॑म् ॥१॥ क॒विमि॑व॒ प्रचे॑तसं॒ यं दे॒वासो॒ अध॑ द्वि॒ता । नि मर्त्ये॑ष्वाद॒धुः ॥२॥ त्वं य॑विष्ठ दा॒शुषो॒ नॄँ: पा॑हि शृणु॒धी गिर॑: । रक्षा॑ तो॒कमु॒त त्मना॑ ॥३॥ कया॑ ते अग्ने अङ्गिर॒ ऊर्जो॑ नपा॒दुप॑स्तुतिम् । वरा॑य देव म॒न्यवे॑ ॥४॥ दाशे॑म॒ कस्य॒ मन॑सा य॒ज्ञस्य॑ सहसो यहो । कदु॑ वोच इ॒दं नम॑: ॥५॥ अधा॒ त्वं हि न॒स्करो॒ विश्वा॑ अ॒स्मभ्यं॑ सुक्षि॒तीः । वाज॑द्रविणसो॒ गिर॑: ॥६॥ कस्य॑ नू॒नं परी॑णस

Transliteration

9 uśanā kāvya: | agni: |gāyatrī | preṣṭhaṃ̭ vo॒ ati̭thiṃ stu॒ṣe mi॒trami̭va pri॒yam | a॒gniṃ rathaṃ॒ na vedya̭m ||1|| ka॒vimi̭va॒ pracḙtasaṃ॒ yaṃ de॒vāso॒ adha̭ dvi॒tā | ni martyḙṣvāda॒dhuḥ ||2|| tvaṃ ya̭viṣṭha dā॒śuṣo॒ nṝ~: pā̭hi śṛṇu॒dhī gira̭: | rakṣā̭ to॒kamu॒ta tmanā̭ ||3|| kayā̭ te agne aṅgira॒ ūrjo̭ napā॒dupa̭stutim | varā̭ya deva ma॒nyavḙ ||4|| dāśḙma॒ kasya॒ mana̭sā ya॒jñasya̭ sahaso yaho | kadṷ voca i॒daṃ nama̭: ||5|| adhā॒ tvaṃ hi na॒skaro॒ viśvā̭ a॒smabhyaṃ̭ sukṣi॒tīḥ | vāja̭draviṇaso॒ gira̭: ||6|| kasya̭ nū॒naṃ parī̭ṇasa