Rigveda 5.68

ऋग्वेद 5.68

VedicUniversal

Sanskrit Text

५ यजत आत्रेयः। मित्रावरुणौ। गायत्री। प्र वो॑ मि॒त्राय॑ गायत॒ वरु॑णाय वि॒पा गि॒रा । महि॑क्षत्रावृ॒तं बृ॒हत् ॥१॥ स॒म्राजा॒ या घृ॒तयो॑नी मि॒त्रश्चो॒भा वरु॑णश्च । दे॒वा दे॒वेषु॑ प्रश॒स्ता ॥२॥ ता न॑: शक्तं॒ पार्थि॑वस्य म॒हो रा॒यो दि॒व्यस्य॑ । महि॑ वां क्ष॒त्रं दे॒वेषु॑ ॥३॥ ऋ॒तमृ॒तेन॒ सप॑न्तेषि॒रं दक्ष॑माशाते । अ॒द्रुहा॑ दे॒वौ व॑र्धेते ॥४॥ वृ॒ष्टिद्या॑वा री॒त्या॑पे॒षस्पती॒ दानु॑मत्याः । बृ॒हन्तं॒ गर्त॑माशाते ॥५॥

Transliteration

5 yajata ātreyaḥ| mitrāvaruṇau| gāyatrī| pra vo̭ mi॒trāya̭ gāyata॒ varṷṇāya vi॒pā gi॒rā | mahi̭kṣatrāvṛ॒taṃ bṛ॒hat ||1|| sa॒mrājā॒ yā ghṛ॒tayo̭nī mi॒traśco॒bhā varṷṇaśca | de॒vā de॒veṣṷ praśa॒stā ||2|| tā na̭: śaktaṃ॒ pārthi̭vasya ma॒ho rā॒yo di॒vyasya̭ | mahi̭ vāṃ kṣa॒traṃ de॒veṣṷ ||3|| ṛ॒tamṛ॒tena॒ sapa̭nteṣi॒raṃ dakṣa̭māśāte | a॒druhā̭ de॒vau va̭rdhete ||4|| vṛ॒ṣṭidyā̭vā rī॒tyā̭pe॒ṣaspatī॒ dānṷmatyāḥ | bṛ॒hantaṃ॒ garta̭māśāte ||5||