Rigveda 5.20

ऋग्वेद 5.20

VedicUniversal

Sanskrit Text

४ प्रयस्वन्त आत्रेयाः। अग्निः। अनुष्टुप्, ४ पंक्तिः। यम॑ग्ने वाजसातम॒ त्वं चि॒न् मन्य॑से र॒यिम् । तं नो॑ गी॒र्भिः श्र॒वाय्यं॑ देव॒त्रा प॑नया॒ युज॑म् ॥१॥ ये अ॑ग्ने॒ नेरय॑न्ति ते वृ॒द्धा उ॒ग्रस्य॒ शव॑सः । अप॒ द्वेषो॒ अप॒ ह्वरो॒ऽन्यव्र॑तस्य सश्चिरे ॥२॥ होता॑रं त्वा वृणीम॒हेऽग्ने॒ दक्ष॑स्य॒ साध॑नम् । य॒ज्ञेषु॑ पू॒र्व्यं गि॒रा प्रय॑स्वन्तो हवामहे ॥३॥ इ॒त्था यथा॑ त ऊ॒तये॒ सह॑सावन्दि॒वेदि॑वे । रा॒य ऋ॒ताय॑ सुक्रतो॒ गोभि॑: ष्याम सध॒मादो॑ वी॒रैः स्या॑म सध॒माद॑: ॥४॥

Transliteration

4 prayasvanta ātreyāḥ| agniḥ| anuṣṭup, 4 paṃktiḥ| yama̭gne vājasātama॒ tvaṃ ci॒n manya̭se ra॒yim | taṃ no̭ gī॒rbhiḥ śra॒vāyyaṃ̭ deva॒trā pa̭nayā॒ yuja̭m ||1|| ye a̭gne॒ neraya̭nti te vṛ॒ddhā u॒grasya॒ śava̭saḥ | apa॒ dveṣo॒ apa॒ hvaro॒'nyavra̭tasya saścire ||2|| hotā̭raṃ tvā vṛṇīma॒he'gne॒ dakṣa̭sya॒ sādha̭nam | ya॒jñeṣṷ pū॒rvyaṃ gi॒rā praya̭svanto havāmahe ||3|| i॒tthā yathā̭ ta ū॒taye॒ saha̭sāvandi॒vedi̭ve | rā॒ya ṛ॒tāya̭ sukrato॒ gobhi̭: ṣyāma sadha॒mādo̭ vī॒raiḥ syā̭ma sadha॒māda̭: ||4||