Rigveda 4.49

ऋग्वेद 4.49

VedicUniversal

Sanskrit Text

६ वामदेवो गौतमः। इन्द्राबृहस्पती। गायत्री। इ॒दं वा॑मा॒स्ये॑ ह॒विः प्रि॒यमि॑न्द्राबृहस्पती । उ॒क्थं मद॑श्च शस्यते ॥१॥ अ॒यं वां॒ परि॑ षिच्यते॒ सोम॑ इन्द्राबृहस्पती । चारु॒र्मदा॑य पी॒तये॑ ॥२॥ आ न॑ इन्द्राबृहस्पती गृ॒हमिन्द्र॑श्च गच्छतम् । सो॒म॒पा सोम॑पीतये ॥३॥ अ॒स्मे इ॑न्द्राबृहस्पती र॒यिं ध॑त्तं शत॒ग्विन॑म् । अश्वा॑वन्तं सह॒स्रिण॑म् ॥४॥ इन्द्रा॒बृह॒स्पती॑ व॒यं सु॒ते गी॒र्भिर्ह॑वामहे । अ॒स्य सोम॑स्य पी॒तये॑ ॥५॥ सोम॑मिन्द्राबृहस्पती॒ पिब॑तं दा॒शुषो॑ गृ॒हे । मा॒दये॑थां॒ तदो॑कसा ॥६॥

Transliteration

6 vāmadevo gautamaḥ| indrābṛhaspatī| gāyatrī| i॒daṃ vā̭mā॒syḙ ha॒viḥ pri॒yami̭ndrābṛhaspatī | u॒kthaṃ mada̭śca śasyate ||1|| a॒yaṃ vāṃ॒ pari̭ ṣicyate॒ soma̭ indrābṛhaspatī | cāru॒rmadā̭ya pī॒tayḙ ||2|| ā na̭ indrābṛhaspatī gṛ॒hamindra̭śca gacchatam | so॒ma॒pā soma̭pītaye ||3|| a॒sme i̭ndrābṛhaspatī ra॒yiṃ dha̭ttaṃ śata॒gvina̭m | aśvā̭vantaṃ saha॒sriṇa̭m ||4|| indrā॒bṛha॒spatī̭ va॒yaṃ su॒te gī॒rbhirha̭vāmahe | a॒sya soma̭sya pī॒tayḙ ||5|| soma̭mindrābṛhaspatī॒ piba̭taṃ dā॒śuṣo̭ gṛ॒he | mā॒dayḙthāṃ॒ tado̭kasā ||6||