Rigveda 3.50

ऋग्वेद 3.50

VedicUniversal

Sanskrit Text

५ गाथिनो विश्वामित्रः। इन्द्रः। त्रिष्टुप्। इन्द्र॒: स्वाहा॑ पिबतु॒ यस्य॒ सोम॑ आ॒गत्या॒ तुम्रो॑ वृष॒भो म॒रुत्वा॑न् । ओरु॒व्यचा॑: पृणतामे॒भिरन्नै॒रास्य॑ ह॒विस्त॒न्व१: काम॑मृध्याः ॥१॥ आ ते॑ सप॒र्यू ज॒वसे॑ युनज्मि॒ ययो॒रनु॑ प्र॒दिव॑: श्रु॒ष्टिमाव॑: । इ॒ह त्वा॑ धेयु॒र्हर॑यः सुशिप्र॒ पिबा॒ त्व१स्य सुषु॑तस्य॒ चारो॑: ॥२॥ गोभि॑र्मिमि॒क्षुं द॑धिरे सुपा॒रमिन्द्रं॒ ज्यैष्ठ्या॑य॒ धाय॑से गृणा॒नाः । म॒न्दा॒नः सोमं॑ पपि॒वाँ ऋ॑जीषि॒न् त्सम॒स्मभ्यं॑ पुरु॒धा गा इ॑षण्य ॥३॥ इ॒मं कामं॑ मन्दया॒ गोभि॒रश्वै॑श्च॒

Transliteration

5 gāthino viśvāmitraḥ| indraḥ| triṣṭup| indra॒: svāhā̭ pibatu॒ yasya॒ soma̭ ā॒gatyā॒ tumro̭ vṛṣa॒bho ma॒rutvā̭n | oru॒vyacā̭: pṛṇatāme॒bhirannai॒rāsya̭ ha॒vista॒nva1: kāma̭mṛdhyāḥ ||1|| ā tḙ sapa॒ryū ja॒vasḙ yunajmi॒ yayo॒ranṷ pra॒diva̭: śru॒ṣṭimāva̭: | i॒ha tvā̭ dheyu॒rhara̭yaḥ suśipra॒ pibā॒ tva1sya suṣṷtasya॒ cāro̭: ||2|| gobhi̭rmimi॒kṣuṃ da̭dhire supā॒ramindraṃ॒ jyaiṣṭhyā̭ya॒ dhāya̭se gṛṇā॒nāḥ | ma॒ndā॒naḥ somaṃ̭ papi॒vā~ ṛ̭jīṣi॒n tsama॒smabhyaṃ̭ puru॒dhā gā i̭ṣaṇya ||3|| i॒maṃ kāmaṃ̭ mandayā॒ gobhi॒raśvai̭śca॒