Rigveda 3.41

ऋग्वेद 3.41

VedicUniversal

Sanskrit Text

९ गाथिनो विश्वामित्रः। इन्द्रः। गायत्री। आ तू न॑ इन्द्र म॒द्र्य॑ग्घुवा॒नः सोम॑पीतये । हरि॑भ्यां याह्यद्रिवः ॥१॥ स॒त्तो होता॑ न ऋ॒त्विय॑स्तिस्ति॒रे ब॒र्हिरा॑नु॒षक् । अयु॑ज्रन्प्रा॒तरद्र॑यः ॥२॥ इ॒मा ब्रह्म॑ ब्रह्मवाहः क्रि॒यन्त॒ आ ब॒र्हिः सी॑द । वी॒हि शू॑र पुरो॒ळाश॑म् ॥३॥ रा॒र॒न्धि सव॑नेषु ण ए॒षु स्तोमे॑षु वृत्रहन् । उ॒क्थेष्वि॑न्द्र गिर्वणः ॥४॥ म॒तय॑: सोम॒पामु॒रुं रि॒हन्ति॒ शव॑स॒स्पति॑म् । इन्द्रं॑ व॒त्सं न मा॒तर॑: ॥५॥ स म॑न्दस्वा॒ ह्यन्ध॑सो॒ राध॑से त॒न्वा॑ म॒हे । न स्तो॒तारं॑ नि॒दे क॑रः ॥६

Transliteration

9 gāthino viśvāmitraḥ| indraḥ| gāyatrī| ā tū na̭ indra ma॒drya̭gghuvā॒naḥ soma̭pītaye | hari̭bhyāṃ yāhyadrivaḥ ||1|| sa॒tto hotā̭ na ṛ॒tviya̭stisti॒re ba॒rhirā̭nu॒ṣak | ayṷjranprā॒taradra̭yaḥ ||2|| i॒mā brahma̭ brahmavāhaḥ kri॒yanta॒ ā ba॒rhiḥ sī̭da | vī॒hi śṷ̄ra puro॒l̤āśa̭m ||3|| rā॒ra॒ndhi sava̭neṣu ṇa e॒ṣu stomḙṣu vṛtrahan | u॒ktheṣvi̭ndra girvaṇaḥ ||4|| ma॒taya̭: soma॒pāmu॒ruṃ ri॒hanti॒ śava̭sa॒spati̭m | indraṃ̭ va॒tsaṃ na mā॒tara̭: ||5|| sa ma̭ndasvā॒ hyandha̭so॒ rādha̭se ta॒nvā̭ ma॒he | na sto॒tāraṃ̭ ni॒de ka̭raḥ ||6