Rigveda 3.10

ऋग्वेद 3.10

VedicUniversal

Sanskrit Text

९ गाथिनो विश्वामित्रः। अग्निः। उष्णिक्। त्वाम॑ग्ने मनी॒षिण॑: स॒म्राजं॑ चर्षणी॒नाम् । दे॒वं मर्ता॑स इन्धते॒ सम॑ध्व॒रे ॥१॥ त्वां य॒ज्ञेष्वृ॒त्विज॒मग्ने॒ होता॑रमीळते । गो॒पा ऋ॒तस्य॑ दीदिहि॒ स्वे दमे॑ ॥२॥ स घा॒ यस्ते॒ ददा॑शति स॒मिधा॑ जा॒तवे॑दसे । सो अ॑ग्ने धत्ते सु॒वीर्यं॒ स पु॑ष्यति ॥३॥ स के॒तुर॑ध्व॒राणा॑म॒ग्निर्दे॒वेभि॒रा ग॑मत् । अ॒ञ्जा॒नः स॒प्त होतृ॑भिर्ह॒विष्म॑ते ॥४॥ प्र होत्रे॑ पू॒र्व्यं वचो॒ऽग्नये॑ भरता बृ॒हत् । वि॒पां ज्योतीं॑षि॒ बिभ्र॑ते॒ न वे॒धसे॑ ॥५॥ अ॒ग्निं व॑र्धन्तु नो॒ गिरो॒ यतो॒

Transliteration

9 gāthino viśvāmitraḥ| agniḥ| uṣṇik| tvāma̭gne manī॒ṣiṇa̭: sa॒mrājaṃ̭ carṣaṇī॒nām | de॒vaṃ martā̭sa indhate॒ sama̭dhva॒re ||1|| tvāṃ ya॒jñeṣvṛ॒tvija॒magne॒ hotā̭ramīl̤ate | go॒pā ṛ॒tasya̭ dīdihi॒ sve damḙ ||2|| sa ghā॒ yaste॒ dadā̭śati sa॒midhā̭ jā॒tavḙdase | so a̭gne dhatte su॒vīryaṃ॒ sa pṷṣyati ||3|| sa ke॒tura̭dhva॒rāṇā̭ma॒gnirde॒vebhi॒rā ga̭mat | a॒ñjā॒naḥ sa॒pta hotṛ̭bhirha॒viṣma̭te ||4|| pra hotrḙ pū॒rvyaṃ vaco॒'gnayḙ bharatā bṛ॒hat | vi॒pāṃ jyotīṃ̭ṣi॒ bibhra̭te॒ na ve॒dhasḙ ||5|| a॒gniṃ va̭rdhantu no॒ giro॒ yato॒