Rigveda 10.41

ऋग्वेद 10.41

VedicUniversal

Sanskrit Text

३ सुहस्त्यो घौषेयः। अश्विनौ। जगती। स॒मा॒नमु॒ त्यं पु॑रुहू॒तमु॒क्थ्यं१ रथं॑ त्रिच॒क्रं सव॑ना॒ गनि॑ग्मतम् । परि॑ज्मानं विद॒थ्यं॑ सुवृ॒क्तिभि॑र्व॒यं व्यु॑ष्टा उ॒षसो॑ हवामहे ॥१॥ प्रा॒त॒र्युजं॑ नास॒त्याधि॑ तिष्ठथः प्रात॒र्यावा॑णं मधु॒वाह॑नं॒ रथ॑म् । विशो॒ येन॒ गच्छ॑थो॒ यज्व॑रीर्नरा की॒रेश्चि॑द्य॒ज्ञं होतृ॑मन्तमश्विना ॥२॥ अ॒ध्व॒र्युं वा॒ मधु॑पाणिं सु॒हस्त्य॑म॒ग्निधं॑ वा धृ॒तद॑क्षं॒ दमू॑नसम् । विप्र॑स्य वा॒ यत्सव॑नानि॒ गच्छ॒थोऽत॒ आ या॑तं मधु॒पेय॑मश्विना ॥३॥

Transliteration

3 suhastyo ghauṣeyaḥ| aśvinau| jagatī| sa॒mā॒namu॒ tyaṃ pṷruhū॒tamu॒kthyaṃ1 rathaṃ̭ trica॒kraṃ sava̭nā॒ gani̭gmatam | pari̭jmānaṃ vida॒thyaṃ̭ suvṛ॒ktibhi̭rva॒yaṃ vyṷṣṭā u॒ṣaso̭ havāmahe ||1|| prā॒ta॒ryujaṃ̭ nāsa॒tyādhi̭ tiṣṭhathaḥ prāta॒ryāvā̭ṇaṃ madhu॒vāha̭naṃ॒ ratha̭m | viśo॒ yena॒ gaccha̭tho॒ yajva̭rīrnarā kī॒reści̭dya॒jñaṃ hotṛ̭mantamaśvinā ||2|| a॒dhva॒ryuṃ vā॒ madhṷpāṇiṃ su॒hastya̭ma॒gnidhaṃ̭ vā dhṛ॒tada̭kṣaṃ॒ damṷ̄nasam | vipra̭sya vā॒ yatsava̭nāni॒ gaccha॒tho'ta॒ ā yā̭taṃ madhu॒peya̭maśvinā ||3||