Rigveda 10.158

ऋग्वेद 10.158

VedicUniversal

Sanskrit Text

५ चक्षुः सौर्यः। सूर्यः। गायत्री, २ स्वराट्। सूर्यो॑ नो दि॒वस्पा॑तु॒ वातो॑ अ॒न्तरि॑क्षात् । अ॒ग्निर्न॒: पार्थि॑वेभ्यः ॥१॥ जोषा॑ सवित॒र्यस्य॑ ते॒ हर॑: श॒तं स॒वाँ अर्ह॑ति । पा॒हि नो॑ दि॒द्युत॒: पत॑न्त्याः ॥२॥ चक्षु॑र्नो दे॒वः स॑वि॒ता चक्षु॑र्न उ॒त पर्व॑तः । चक्षु॑र्धा॒ता द॑धातु नः ॥३॥ चक्षु॑र्नो धेहि॒ चक्षु॑षे॒ चक्षु॑र्वि॒ख्यै त॒नूभ्य॑: । सं चे॒दं वि च॑ पश्येम ॥४॥ सु॒सं॒दृशं॑ त्वा व॒यं प्रति॑ पश्येम सूर्य । वि प॑श्येम नृ॒चक्ष॑सः ॥५॥

Transliteration

5 cakṣuḥ sauryaḥ| sūryaḥ| gāyatrī, 2 svarāṭ| sūryo̭ no di॒vaspā̭tu॒ vāto̭ a॒ntari̭kṣāt | a॒gnirna॒: pārthi̭vebhyaḥ ||1|| joṣā̭ savita॒ryasya̭ te॒ hara̭: śa॒taṃ sa॒vā~ arha̭ti | pā॒hi no̭ di॒dyuta॒: pata̭ntyāḥ ||2|| cakṣṷrno de॒vaḥ sa̭vi॒tā cakṣṷrna u॒ta parva̭taḥ | cakṣṷrdhā॒tā da̭dhātu naḥ ||3|| cakṣṷrno dhehi॒ cakṣṷṣe॒ cakṣṷrvi॒khyai ta॒nūbhya̭: | saṃ ce॒daṃ vi ca̭ paśyema ||4|| su॒saṃ॒dṛśaṃ̭ tvā va॒yaṃ prati̭ paśyema sūrya | vi pa̭śyema nṛ॒cakṣa̭saḥ ||5||