Rigveda 10.156

ऋग्वेद 10.156

VedicUniversal

Sanskrit Text

५ केतुराग्नेयः। अग्निः। गायत्री। अ॒ग्निं हि॑न्वन्तु नो॒ धिय॒: सप्ति॑मा॒शुमि॑वा॒जिषु॑ । तेन॑ जेष्म॒ धनं॑धनम् ॥१॥ यया॒ गा आ॒करा॑महे॒ सेन॑याग्ने॒ तवो॒त्या । तां नो॑ हिन्व म॒घत्त॑ये ॥२॥ आग्ने॑ स्थू॒रं र॒यिं भ॑र पृ॒थुं गोम॑न्तम॒श्विन॑म् । अ॒ङ्धि खं व॒र्तया॑ प॒णिम् ॥३॥ अग्ने॒ नक्ष॑त्रम॒जर॒मा सूर्यं॑ रोहयो दि॒वि । दध॒ज्ज्योति॒र्जने॑भ्यः ॥४॥ अग्ने॑ के॒तुर्वि॒शाम॑सि॒ प्रेष्ठ॒: श्रेष्ठ॑ उपस्थ॒सत् । बोधा॑ स्तो॒त्रे वयो॒ दध॑त् ॥५॥

Transliteration

5 keturāgneyaḥ| agniḥ| gāyatrī| a॒gniṃ hi̭nvantu no॒ dhiya॒: sapti̭mā॒śumi̭vā॒jiṣṷ | tena̭ jeṣma॒ dhanaṃ̭dhanam ||1|| yayā॒ gā ā॒karā̭mahe॒ sena̭yāgne॒ tavo॒tyā | tāṃ no̭ hinva ma॒ghatta̭ye ||2|| āgnḙ sthū॒raṃ ra॒yiṃ bha̭ra pṛ॒thuṃ goma̭ntama॒śvina̭m | a॒ṅdhi khaṃ va॒rtayā̭ pa॒ṇim ||3|| agne॒ nakṣa̭trama॒jara॒mā sūryaṃ̭ rohayo di॒vi | dadha॒jjyoti॒rjanḙbhyaḥ ||4|| agnḙ ke॒turvi॒śāma̭si॒ preṣṭha॒: śreṣṭha̭ upastha॒sat | bodhā̭ sto॒tre vayo॒ dadha̭t ||5||