Rigveda 10.152

ऋग्वेद 10.152

VedicUniversal

Sanskrit Text

५ शासो भारद्वाजः। इन्द्रः। अनुष्टुप्। शा॒स इ॒त्था म॒हाँ अ॑स्यमित्रखा॒दो अद्भु॑तः । न यस्य॑ ह॒न्यते॒ सखा॒ न जीय॑ते॒ कदा॑ च॒न ॥१ स्व॒स्ति॒दा वि॒शस्पति॑र्वृत्र॒हा वि॑मृ॒धो व॒शी । वृषेन्द्र॑: पु॒र ए॑तु नः सोम॒पा अ॑भयंक॒रः ॥२ वि रक्षो॒ वि मृधो॑ जहि॒ वि वृ॒त्रस्य॒ हनू॑ रुज । वि म॒न्युमि॑न्द्र वृत्रहन्न॒मित्र॑स्याभि॒दास॑तः ॥३ वि न॑ इन्द्र॒ मृधो॑ जहि नी॒चा य॑च्छ पृतन्य॒तः । यो अ॒स्माँ अ॑भि॒दास॒त्यध॑रं गमया॒ तम॑: ॥४ अपे॑न्द्र द्विष॒तो मनोऽप॒ जिज्या॑सतो व॒धम् । वि म॒न्योः शर्म॑ यच्छ॒ वरी॑यो यवया व॒धम

Transliteration

5 śāso bhāradvājaḥ| indraḥ| anuṣṭup| śā॒sa i॒tthā ma॒hā~ a̭syamitrakhā॒do adbhṷtaḥ | na yasya̭ ha॒nyate॒ sakhā॒ na jīya̭te॒ kadā̭ ca॒na ||1 sva॒sti॒dā vi॒śaspati̭rvṛtra॒hā vi̭mṛ॒dho va॒śī | vṛṣendra̭: pu॒ra ḙtu naḥ soma॒pā a̭bhayaṃka॒raḥ ||2 vi rakṣo॒ vi mṛdho̭ jahi॒ vi vṛ॒trasya॒ hanṷ̄ ruja | vi ma॒nyumi̭ndra vṛtrahanna॒mitra̭syābhi॒dāsa̭taḥ ||3 vi na̭ indra॒ mṛdho̭ jahi nī॒cā ya̭ccha pṛtanya॒taḥ | yo a॒smā~ a̭bhi॒dāsa॒tyadha̭raṃ gamayā॒ tama̭: ||4 apḙndra dviṣa॒to mano'pa॒ jijyā̭sato va॒dham | vi ma॒nyoḥ śarma̭ yaccha॒ varī̭yo yavayā va॒dhama