Atharvaveda 7.84

अथर्ववेद 7.84

VedicProtection

Sanskrit Text

क्षत्रभृदग्निः। १-३ भृगु। १ जातवेदाःअग्निः, २-३ इन्द्रः। त्रिष्टुप्, १ जगती। अ॒ना॒धृ॒ष्यो जा॒तवे॑दा॒ अम॑र्त्यो वि॒राड॑ग्ने क्षत्र॒भृद् दी॑दिही॒ह। विश्वा॒ अमी॑वाः प्रमु॒ञ्चन् मानु॑षीभिः शि॒वाभि॑र॒द्य परि॑ पाहि नो॒ गय॑म्॥१॥ इन्द्र॑ क्ष॒त्रम॒भि वा॒ममोजोऽजा॑यथा वृषभ चर्षणी॒नाम्। अपा॑नुदो॒ जन॑ममित्रा॒यन्त॑मु॒रुं दे॒वेभ्यो॑ अकृणोरु लो॒कम्॥२॥ मृ॒गो न भी॒मः कु॑च॒रो गि॑रि॒ष्ठाः प॑रा॒वत॒ आ ज॑गम्या॒त् पर॑स्याः । सृ॒कं सं॒शाय॑ प॒विमि॑न्द्र ति॒ग्मं वि शत्रू॑न् ताढि॒ वि मृघो॑ नुदस्व ॥३॥

Transliteration

kṣatrabhṛdagniḥ| 1-3 bhṛgu| 1 jātavedāḥagniḥ, 2-3 indraḥ| triṣṭup, 1 jagatī| a॒nā॒dhṛ॒ṣyo jā॒tavḙdā॒ ama̭rtyo vi॒rāḍa̭gne kṣatra॒bhṛd dī̭dihī॒ha| viśvā॒ amī̭vāḥ pramu॒ñcan mānṷṣībhiḥ śi॒vābhi̭ra॒dya pari̭ pāhi no॒ gaya̭m||1|| indra̭ kṣa॒trama॒bhi vā॒mamojo'jā̭yathā vṛṣabha carṣaṇī॒nām| apā̭nudo॒ jana̭mamitrā॒yanta̭mu॒ruṃ de॒vebhyo̭ akṛṇoru lo॒kam||2|| mṛ॒go na bhī॒maḥ kṷca॒ro gi̭ri॒ṣṭhāḥ pa̭rā॒vata॒ ā ja̭gamyā॒t para̭syāḥ | sṛ॒kaṃ saṃ॒śāya̭ pa॒vimi̭ndra ti॒gmaṃ vi śatrṷ̄n tāḍhi॒ vi mṛgho̭ nudasva ||3||