Atharvaveda 6.8

अथर्ववेद 6.8

VedicProtection

Sanskrit Text

कामात्मा १-३ जमदग्निः। कामात्मा, २ सुपर्णः, ३ द्यावापृथिवी, सूर्यः। पथ्यापङ्क्तिः। यथा॑ वृ॒क्षं लिबु॑जा सम॒न्तं प॑रिषस्व॒जे। ए॒वा परि॑ ष्वजस्व॒ मां यथा॒ मां का॒मिन्यसो॒ यथा॒ मन्नाप॑गा॒ असः॑ ॥१॥ यथा॑ सुप॒र्णः प्र॒पत॑न् प॒क्षौ नि॒हन्ति॒ भूम्या॑म्। ए॒वा नि ह॑न्मि ते॒ मनो॒ यथा॒ मां का॒मिन्यसो॒ यथा॒ मन्नाप॑गा॒ असः॑ ॥२॥ यथे॒मे द्यावा॑पृथि॒वी स॒द्यः प॒र्येति॒ सूर्यः॑ । ए॒वा पर्ये॑मि ते॒ मनो॒ यथा॒ मां का॒मिन्यसो॒ यथा॒ मन्नाप॑गा॒ असः॑ ॥३॥

Transliteration

kāmātmā 1-3 jamadagniḥ| kāmātmā, 2 suparṇaḥ, 3 dyāvāpṛthivī, sūryaḥ| pathyāpaṅktiḥ| yathā̭ vṛ॒kṣaṃ libṷjā sama॒ntaṃ pa̭riṣasva॒je| e॒vā pari̭ ṣvajasva॒ māṃ yathā॒ māṃ kā॒minyaso॒ yathā॒ mannāpa̭gā॒ asaḥ̭ ||1|| yathā̭ supa॒rṇaḥ pra॒pata̭n pa॒kṣau ni॒hanti॒ bhūmyā̭m| e॒vā ni ha̭nmi te॒ mano॒ yathā॒ māṃ kā॒minyaso॒ yathā॒ mannāpa̭gā॒ asaḥ̭ ||2|| yathe॒me dyāvā̭pṛthi॒vī sa॒dyaḥ pa॒ryeti॒ sūryaḥ̭ | e॒vā paryḙmi te॒ mano॒ yathā॒ māṃ kā॒minyaso॒ yathā॒ mannāpa̭gā॒ asaḥ̭ ||3||