Atharvaveda 6.61

अथर्ववेद 6.61

VedicProtection

Sanskrit Text

विश्वस्रष्टा। १-३ अथर्वा। रुद्रः। १ त्रिष्टुप्, २-३ भुरिक्। मह्य॒मापो॒ मधु॑म॒देर॑यन्तां॒ मह्यं॒ सूरो॑ अभर॒ज्ज्योति॑षे॒ कम्। मह्यं॑ दे॒वा उ॒त विश्वे॑ तपो॒जा मह्यं॑ दे॒वः स॑वि॒ता व्यचो॑ धात्॥१॥ अ॒हं वि॑वेच पृथि॒वीमु॒त द्याम॒हमृ॒तूंर॑जनयं स॒प्त सा॒कम्। अ॒हं स॒त्यमनृ॑तं॒ यद् वदा॑म्य॒हं दैवीं॒ परि॒ वाचं॒ विश॑श्च ॥२॥ अ॒हं ज॑जान पृथि॒वीमु॒त द्याम॒हमृ॒तूंर॑जनयं स॒प्त सिन्धू॑न्। अ॒हं स॒त्वमनृ॑तं॒ यद् वदा॑मि यो अ॑ग्नीषो॒मावजु॑षे॒ सखा॑या ॥३॥

Transliteration

viśvasraṣṭā| 1-3 atharvā| rudraḥ| 1 triṣṭup, 2-3 bhurik| mahya॒māpo॒ madhṷma॒dera̭yantāṃ॒ mahyaṃ॒ sūro̭ abhara॒jjyoti̭ṣe॒ kam| mahyaṃ̭ de॒vā u॒ta viśvḙ tapo॒jā mahyaṃ̭ de॒vaḥ sa̭vi॒tā vyaco̭ dhāt||1|| a॒haṃ vi̭veca pṛthi॒vīmu॒ta dyāma॒hamṛ॒tūṃra̭janayaṃ sa॒pta sā॒kam| a॒haṃ sa॒tyamanṛ̭taṃ॒ yad vadā̭mya॒haṃ daivīṃ॒ pari॒ vācaṃ॒ viśa̭śca ||2|| a॒haṃ ja̭jāna pṛthi॒vīmu॒ta dyāma॒hamṛ॒tūṃra̭janayaṃ sa॒pta sindhṷ̄n| a॒haṃ sa॒tvamanṛ̭taṃ॒ yad vadā̭mi yo a̭gnīṣo॒māvajṷṣe॒ sakhā̭yā ||3||