Atharvaveda 6.55

अथर्ववेद 6.55

VedicProtection

Sanskrit Text

सौमनस्यम्। १-३ ब्रह्म। १ विश्वे देवाः, २-३ रुद्रः। जगती, २ त्रिष्टुप्। ये पन्था॑नो ब॒हवो॑ देव॒याना॑ अन्त॒रा द्यावा॑पृथि॒वी सं॒चर॑न्ति । तेषा॒मज्या॑निं यत॒मो वहा॑ति॒ तस्मै॑ मा देवाः॒ परि॑ धत्ते॒ह सर्वे॑ ॥१॥ ग्री॒ष्मो हे॑म॒न्तः शिशि॑रो वस॒न्तः श॒रद् व॒र्षाः स्वि॒ते नो॑ दधात । आ नो॒ गोषु॒ भज॒ता प्र॒जायां॑ निवा॒त इद् वः॑ शर॒णे स्या॑म ॥२॥ इ॒दा॒व॒त्स॒राय॑ परिवत्स॒राय॑ संवत्स॒राय॑ कृणुता बृ॒हन्नमः॑ । तेषां॑ व॒यं सु॑म॒तौ य॒ज्ञिया॑ना॒मपि॑ भ॒द्रे सौ॑मन॒से स्या॑म ॥३॥

Transliteration

saumanasyam| 1-3 brahma| 1 viśve devāḥ, 2-3 rudraḥ| jagatī, 2 triṣṭup| ye panthā̭no ba॒havo̭ deva॒yānā̭ anta॒rā dyāvā̭pṛthi॒vī saṃ॒cara̭nti | teṣā॒majyā̭niṃ yata॒mo vahā̭ti॒ tasmai̭ mā devāḥ॒ pari̭ dhatte॒ha sarvḙ ||1|| grī॒ṣmo hḙma॒ntaḥ śiśi̭ro vasa॒ntaḥ śa॒rad va॒rṣāḥ svi॒te no̭ dadhāta | ā no॒ goṣu॒ bhaja॒tā pra॒jāyāṃ̭ nivā॒ta id vaḥ̭ śara॒ṇe syā̭ma ||2|| i॒dā॒va॒tsa॒rāya̭ parivatsa॒rāya̭ saṃvatsa॒rāya̭ kṛṇutā bṛ॒hannamaḥ̭ | teṣāṃ̭ va॒yaṃ sṷma॒tau ya॒jñiyā̭nā॒mapi̭ bha॒dre saṷmana॒se syā̭ma ||3||