Atharvaveda 6.16

अथर्ववेद 6.16

VedicProtection

Sanskrit Text

अक्षिरोगभैषजम्। १-४ शौनकः। चन्द्रमाः, मन्त्रोक्तदेवताः, अनुष्टुप्, १ निचृत्त्रिपदा गायत्री, ३ बृहतीगर्भा ककुम्मत्यनुष्टुप्, ४ त्रिपदा प्रतिष्ठा। आब॑यो॒ अना॑बयो॒ रस॑स्त उ॒ग्र आ॑बयो । आ ते॑ कर॒म्भम॑द्मसि ॥१॥ वि॒हह्लो॒ नाम॑ ते पि॒ता म॒दाव॑ती॒ नाम॑ ते मा॒ता। स हि॑न॒ त्वम॑सि॒ यस्त्वमा॒त्मान॒माव॑यः ॥२॥ तौवि॑लि॒केऽवे॑ल॒यावा॒यमै॑ल॒ब ऐ॑लयीत्। ब॒भ्रुश्च॑ ब॒भ्रुक॑र्ण॒श्चापे॑हि॒ निरा॑ल ॥३॥ अ॒ल॒साला॑सि॒ पूर्व॑ सि॒लाञ्जा॑ला॒स्युत्त॑रा । नी॒ला॒ग॒ल॒साला॑ ॥४॥

Transliteration

akṣirogabhaiṣajam| 1-4 śaunakaḥ| candramāḥ, mantroktadevatāḥ, anuṣṭup, 1 nicṛttripadā gāyatrī, 3 bṛhatīgarbhā kakummatyanuṣṭup, 4 tripadā pratiṣṭhā| āba̭yo॒ anā̭bayo॒ rasa̭sta u॒gra ā̭bayo | ā tḙ kara॒mbhama̭dmasi ||1|| vi॒hahlo॒ nāma̭ te pi॒tā ma॒dāva̭tī॒ nāma̭ te mā॒tā| sa hi̭na॒ tvama̭si॒ yastvamā॒tmāna॒māva̭yaḥ ||2|| tauvi̭li॒ke'vḙla॒yāvā॒yamai̭la॒ba ai̭layīt| ba॒bhruśca̭ ba॒bhruka̭rṇa॒ścāpḙhi॒ nirā̭la ||3|| a॒la॒sālā̭si॒ pūrva̭ si॒lāñjā̭lā॒syutta̭rā | nī॒lā॒ga॒la॒sālā̭ ||4||