Atharvaveda 6.128

अथर्ववेद 6.128

VedicProtection

Sanskrit Text

राजा १-४ अङ्गिराः। सोमः, शकधूमः। अनुष्टुप्। श॒क॒धूमं॒ नक्ष॑त्राणि॒ यद् राजा॑न॒मकु॑र्वत । भ॒द्रा॒हम॑स्मै॒ प्राय॑च्छन्नि॒दं रा॒ष्ट्रमसा॒दिति॑ ॥१॥ भ॒द्रा॒हं नो॑ म॒ध्यंदि॑ने भद्रा॒हं सा॒यम॑स्तु नः । भ॒द्रा॒हं नो॒ अह्नां॑ प्रा॒ता रात्री॑ भद्रा॒हम॑स्तु नः ॥२॥ अ॒हो॒रा॒त्राभ्यां॒ नक्ष॑त्रेभ्यः सूर्याचन्द्र॒मसा॑भ्याम्। भ॒द्रा॒हम॒स्मभ्यं॑ राज॒न्छक॑धूम॒ त्वं कृ॑धि ॥३॥ यो नो॑ भद्रा॒हमक॑रः सा॒यं नक्त॒मथो॒ दिवा॑ । तस्मै॑ ते नक्षत्रराज॒ शक॑धूम॒ सदा॒ नमः॑ ॥४॥

Transliteration

rājā 1-4 aṅgirāḥ| somaḥ, śakadhūmaḥ| anuṣṭup| śa॒ka॒dhūmaṃ॒ nakṣa̭trāṇi॒ yad rājā̭na॒makṷrvata | bha॒drā॒hama̭smai॒ prāya̭cchanni॒daṃ rā॒ṣṭramasā॒diti̭ ||1|| bha॒drā॒haṃ no̭ ma॒dhyaṃdi̭ne bhadrā॒haṃ sā॒yama̭stu naḥ | bha॒drā॒haṃ no॒ ahnāṃ̭ prā॒tā rātrī̭ bhadrā॒hama̭stu naḥ ||2|| a॒ho॒rā॒trābhyāṃ॒ nakṣa̭trebhyaḥ sūryācandra॒masā̭bhyām| bha॒drā॒hama॒smabhyaṃ̭ rāja॒nchaka̭dhūma॒ tvaṃ kṛ̭dhi ||3|| yo no̭ bhadrā॒hamaka̭raḥ sā॒yaṃ nakta॒matho॒ divā̭ | tasmai̭ te nakṣatrarāja॒ śaka̭dhūma॒ sadā॒ namaḥ̭ ||4||