Atharvaveda 6.125

अथर्ववेद 6.125

VedicProtection

Sanskrit Text

वीरस्य रथः। १-३ अथर्वा। वनस्पतिः। त्रिष्टुप्, २ जगती। वन॑स्पते वी॒ड्वऽङ्गो॒ हि भू॒या अ॒स्मत्स॑खा प्र॒तर॑णः सु॒वीरः॑ । गोभिः॒ संन॑द्धो असि वी॒डय॑स्वास्था॒ता ते॑ जयतु॒ जेत्वा॑नि ॥१॥ दि॒वस्पृ॑थि॒व्याः पर्योज॒ उद्भृ॑तं॒ वन॒स्पति॑भ्यः॒ पर्याभृ॑तं॒ सहः॑ । अ॒पामो॒ज्मानं॒ परि॒ गोभि॒रावृ॑त॒मिन्द्र॑स्य॒ वज्रं॑ ह॒विषा॒ रथं॑ यज ॥२॥ इन्द्र॒स्यौजो॑ म॒रुता॒मनी॑कं मि॒त्रस्य॒ गर्भो॒ वरु॑णस्य॒ नाभिः॑ । स इ॒मां नो॑ ह॒व्यदा॑तिं जुषा॒णो देव॑ रथ॒ प्रति॑ ह॒व्या गृभाय ॥३॥

Transliteration

vīrasya rathaḥ| 1-3 atharvā| vanaspatiḥ| triṣṭup, 2 jagatī| vana̭spate vī॒ḍva'ṅgo॒ hi bhū॒yā a॒smatsa̭khā pra॒tara̭ṇaḥ su॒vīraḥ̭ | gobhiḥ॒ saṃna̭ddho asi vī॒ḍaya̭svāsthā॒tā tḙ jayatu॒ jetvā̭ni ||1|| di॒vaspṛ̭thi॒vyāḥ paryoja॒ udbhṛ̭taṃ॒ vana॒spati̭bhyaḥ॒ paryābhṛ̭taṃ॒ sahaḥ̭ | a॒pāmo॒jmānaṃ॒ pari॒ gobhi॒rāvṛ̭ta॒mindra̭sya॒ vajraṃ̭ ha॒viṣā॒ rathaṃ̭ yaja ||2|| indra॒syaujo̭ ma॒rutā॒manī̭kaṃ mi॒trasya॒ garbho॒ varṷṇasya॒ nābhiḥ̭ | sa i॒māṃ no̭ ha॒vyadā̭tiṃ juṣā॒ṇo deva̭ ratha॒ prati̭ ha॒vyā gṛbhāya ||3||