Atharvaveda 2.13

अथर्ववेद 2.13

VedicProtection

Sanskrit Text

दीर्घायुःप्राप्तिः। १-५ अथर्वा। अग्निः, २-३ बृहस्पतिः, ४-५ विश्वे देवाः। त्रिष्टुप्, ४ अनुष्टुप्, ५ विराड् जगती। आ॒युर्दा अ॑ग्ने ज॒रसं॑ वृणा॒नो घृ॒तप्र॑तीको घृ॒तपृ॑ष्ठो अग्ने । घृ॒तं पी॒त्वा मधु॒ चारु॒ गव्यं॑ पि॒तेव॑ पु॒त्रान॒भि र॑क्षतादि॒मम्॥१॥ परि॑ धत्त ध॒त्त नो॒ वर्च॑से॒मं ज॒रामृ॑त्युं कृणुत दी॒र्घमायुः॑ । बृह॒स्पतिः॒ प्राय॑च्छ॒द् वास॑ ए॒तत् सोमा॑य॒ राज्ञे॒ परि॑धात॒वा उ॑ ॥२॥ परी॒दं वासो॑ अधिथाः स्व॒स्तयेऽभू॑र्गृष्टी॒नाम॑भिशस्ति॒पा उ॑ । श॒तं च॒ जीव॑ श॒रदः॑ पुरू॒ची रा॒यश्च॒ पोष॑मुप॒संव्य॑यस्व ॥

Transliteration

dīrghāyuḥprāptiḥ| 1-5 atharvā| agniḥ, 2-3 bṛhaspatiḥ, 4-5 viśve devāḥ| triṣṭup, 4 anuṣṭup, 5 virāḍ jagatī| ā॒yurdā a̭gne ja॒rasaṃ̭ vṛṇā॒no ghṛ॒tapra̭tīko ghṛ॒tapṛ̭ṣṭho agne | ghṛ॒taṃ pī॒tvā madhu॒ cāru॒ gavyaṃ̭ pi॒teva̭ pu॒trāna॒bhi ra̭kṣatādi॒mam||1|| pari̭ dhatta dha॒tta no॒ varca̭se॒maṃ ja॒rāmṛ̭tyuṃ kṛṇuta dī॒rghamāyuḥ̭ | bṛha॒spatiḥ॒ prāya̭ccha॒d vāsa̭ e॒tat somā̭ya॒ rājñe॒ pari̭dhāta॒vā ṷ ||2|| parī॒daṃ vāso̭ adhithāḥ sva॒staye'bhṷ̄rgṛṣṭī॒nāma̭bhiśasti॒pā ṷ | śa॒taṃ ca॒ jīva̭ śa॒radaḥ̭ purū॒cī rā॒yaśca॒ poṣa̭mupa॒saṃvya̭yasva ||