Rigveda 9.88

ऋग्वेद 9.88

VedicUniversal

Sanskrit Text

८ उशना काव्य: । पवमान: सोम: । त्रिष्टुप् । अ॒यं सोम॑ इन्द्र॒ तुभ्यं॑ सुन्वे॒ तुभ्यं॑ पवते॒ त्वम॑स्य पाहि । त्वं ह॒ यं च॑कृ॒षे त्वं व॑वृ॒ष इन्दुं॒ मदा॑य॒ युज्या॑य॒ सोम॑म् ॥१॥ स ईं॒ रथो॒ न भु॑रि॒षाळ॑योजि म॒हः पु॒रूणि॑ सा॒तये॒ वसू॑नि । आदीं॒ विश्वा॑ नहु॒ष्या॑णि जा॒ता स्व॑र्षाता॒ वन॑ ऊ॒र्ध्वा न॑वन्त ॥२॥ वा॒युर्न यो नि॒युत्वाँ॑ इ॒ष्टया॑मा॒ नास॑त्येव॒ हव॒ आ शम्भ॑विष्ठः । वि॒श्ववा॑रो द्रविणो॒दा इ॑व॒ त्मन्पू॒षेव॑ धी॒जव॑नोऽसि सोम ॥३॥ इन्द्रो॒ न यो म॒हा कर्मा॑णि॒ चक्रि॑र्ह॒न्ता वृ॒त्राणा॑मसि सोम प

Transliteration

8 uśanā kāvya: | pavamāna: soma: | triṣṭup | a॒yaṃ soma̭ indra॒ tubhyaṃ̭ sunve॒ tubhyaṃ̭ pavate॒ tvama̭sya pāhi | tvaṃ ha॒ yaṃ ca̭kṛ॒ṣe tvaṃ va̭vṛ॒ṣa induṃ॒ madā̭ya॒ yujyā̭ya॒ soma̭m ||1|| sa īṃ॒ ratho॒ na bhṷri॒ṣāl̤a̭yoji ma॒haḥ pu॒rūṇi̭ sā॒taye॒ vasṷ̄ni | ādīṃ॒ viśvā̭ nahu॒ṣyā̭ṇi jā॒tā sva̭rṣātā॒ vana̭ ū॒rdhvā na̭vanta ||2|| vā॒yurna yo ni॒yutvā~̭ i॒ṣṭayā̭mā॒ nāsa̭tyeva॒ hava॒ ā śambha̭viṣṭhaḥ | vi॒śvavā̭ro draviṇo॒dā i̭va॒ tmanpū॒ṣeva̭ dhī॒java̭no'si soma ||3|| indro॒ na yo ma॒hā karmā̭ṇi॒ cakri̭rha॒ntā vṛ॒trāṇā̭masi soma pa