Rigveda 9.51

ऋग्वेद 9.51

VedicUniversal

Sanskrit Text

५ उचथ्य आङ्गिरस: । पवमान: सोम: । गायत्री । अध्व॑र्यो॒ अद्रि॑भिः सु॒तं सोमं॑ प॒वित्र॒ आ सृ॑ज । पु॒नी॒हीन्द्रा॑य॒ पात॑वे ॥१॥ दि॒वः पी॒यूष॑मुत्त॒मं सोम॒मिन्द्रा॑य व॒ज्रिणे॑ । सु॒नोता॒ मधु॑मत्तमम् ॥२॥ तव॒ त्य इ॑न्दो॒ अन्ध॑सो दे॒वा मधो॒र्व्य॑श्नते । पव॑मानस्य म॒रुत॑: ॥३॥ त्वं हि सो॑म व॒र्धय॑न्त्सु॒तो मदा॑य॒ भूर्ण॑ये । वृष॑न्त्स्तो॒तार॑मू॒तये॑ ॥४॥ अ॒भ्य॑र्ष विचक्षण प॒वित्रं॒ धार॑या सु॒तः । अ॒भि वाज॑मु॒त श्रव॑: ॥५॥

Transliteration

5 ucathya āṅgirasa: | pavamāna: soma: | gāyatrī | adhva̭ryo॒ adri̭bhiḥ su॒taṃ somaṃ̭ pa॒vitra॒ ā sṛ̭ja | pu॒nī॒hīndrā̭ya॒ pāta̭ve ||1|| di॒vaḥ pī॒yūṣa̭mutta॒maṃ soma॒mindrā̭ya va॒jriṇḙ | su॒notā॒ madhṷmattamam ||2|| tava॒ tya i̭ndo॒ andha̭so de॒vā madho॒rvya̭śnate | pava̭mānasya ma॒ruta̭: ||3|| tvaṃ hi so̭ma va॒rdhaya̭ntsu॒to madā̭ya॒ bhūrṇa̭ye | vṛṣa̭ntsto॒tāra̭mū॒tayḙ ||4|| a॒bhya̭rṣa vicakṣaṇa pa॒vitraṃ॒ dhāra̭yā su॒taḥ | a॒bhi vāja̭mu॒ta śrava̭: ||5||