Rigveda 9.44

ऋग्वेद 9.44

VedicUniversal

Sanskrit Text

६ अयास्य आङ्गिरस: । पवमान: सोम: । गायत्री । प्र ण॑ इन्दो म॒हे तन॑ ऊ॒र्मिं न बिभ्र॑दर्षसि । अ॒भि दे॒वाँ अ॒यास्य॑: ॥१॥ म॒ती जु॒ष्टो धि॒या हि॒तः सोमो॑ हिन्वे परा॒वति॑ । विप्र॑स्य॒ धार॑या क॒विः ॥२॥ अ॒यं दे॒वेषु॒ जागृ॑विः सु॒त ए॑ति प॒वित्र॒ आ । सोमो॑ याति॒ विच॑र्षणिः ॥३॥ स न॑: पवस्व वाज॒युश्च॑क्रा॒णश्चारु॑मध्व॒रम् । ब॒र्हिष्माँ॒ आ वि॑वासति ॥४॥ स नो॒ भगा॑य वा॒यवे॒ विप्र॑वीरः स॒दावृ॑धः । सोमो॑ दे॒वेष्वा य॑मत् ॥५॥ स नो॑ अ॒द्य वसु॑त्तये क्रतु॒विद्गा॑तु॒वित्त॑मः । वाजं॑ जेषि॒ श्रवो॑ बृ॒हत् ॥६॥

Transliteration

6 ayāsya āṅgirasa: | pavamāna: soma: | gāyatrī | pra ṇa̭ indo ma॒he tana̭ ū॒rmiṃ na bibhra̭darṣasi | a॒bhi de॒vā~ a॒yāsya̭: ||1|| ma॒tī ju॒ṣṭo dhi॒yā hi॒taḥ somo̭ hinve parā॒vati̭ | vipra̭sya॒ dhāra̭yā ka॒viḥ ||2|| a॒yaṃ de॒veṣu॒ jāgṛ̭viḥ su॒ta ḙti pa॒vitra॒ ā | somo̭ yāti॒ vica̭rṣaṇiḥ ||3|| sa na̭: pavasva vāja॒yuśca̭krā॒ṇaścārṷmadhva॒ram | ba॒rhiṣmā~॒ ā vi̭vāsati ||4|| sa no॒ bhagā̭ya vā॒yave॒ vipra̭vīraḥ sa॒dāvṛ̭dhaḥ | somo̭ de॒veṣvā ya̭mat ||5|| sa no̭ a॒dya vasṷttaye kratu॒vidgā̭tu॒vitta̭maḥ | vājaṃ̭ jeṣi॒ śravo̭ bṛ॒hat ||6||