Rigveda 9.32

ऋग्वेद 9.32

VedicUniversal

Sanskrit Text

६ श्यावाश्व आत्रेय: । पवमान: सोम: । गायत्री । प्र सोमा॑सो मद॒च्युत॒: श्रव॑से नो म॒घोन॑: । सु॒ता वि॒दथे॑ अक्रमुः ॥१॥ आदीं॑ त्रि॒तस्य॒ योष॑णो॒ हरिं॑ हिन्व॒न्त्यद्रि॑भिः । इन्दु॒मिन्द्रा॑य पी॒तये॑ ॥२॥ आदीं॑ हं॒सो यथा॑ ग॒णं विश्व॑स्यावीवशन्म॒तिम् । अत्यो॒ न गोभि॑रज्यते ॥३॥ उ॒भे सो॑माव॒चाक॑शन्मृ॒गो न त॒क्तो अ॑र्षसि । सीद॑न्नृ॒तस्य॒ योनि॒मा ॥४॥ अ॒भि गावो॑ अनूषत॒ योषा॑ जा॒रमि॑व प्रि॒यम् । अग॑न्ना॒जिं यथा॑ हि॒तम् ॥५॥ अ॒स्मे धे॑हि द्यु॒मद्यशो॑ म॒घव॑द्भ्यश्च॒ मह्यं॑ च । स॒निं मे॒धामु॒त श्रव॑: ॥६॥

Transliteration

6 śyāvāśva ātreya: | pavamāna: soma: | gāyatrī | pra somā̭so mada॒cyuta॒: śrava̭se no ma॒ghona̭: | su॒tā vi॒dathḙ akramuḥ ||1|| ādīṃ̭ tri॒tasya॒ yoṣa̭ṇo॒ hariṃ̭ hinva॒ntyadri̭bhiḥ | indu॒mindrā̭ya pī॒tayḙ ||2|| ādīṃ̭ haṃ॒so yathā̭ ga॒ṇaṃ viśva̭syāvīvaśanma॒tim | atyo॒ na gobhi̭rajyate ||3|| u॒bhe so̭māva॒cāka̭śanmṛ॒go na ta॒kto a̭rṣasi | sīda̭nnṛ॒tasya॒ yoni॒mā ||4|| a॒bhi gāvo̭ anūṣata॒ yoṣā̭ jā॒rami̭va pri॒yam | aga̭nnā॒jiṃ yathā̭ hi॒tam ||5|| a॒sme dhḙhi dyu॒madyaśo̭ ma॒ghava̭dbhyaśca॒ mahyaṃ̭ ca | sa॒niṃ me॒dhāmu॒ta śrava̭: ||6||