Rigveda 9.20

ऋग्वेद 9.20

VedicUniversal

Sanskrit Text

७ काश्यपोऽसितो देवलो वा । पवमान: सोम: । गायत्री । प्र क॒विर्दे॒ववी॑त॒येऽव्यो॒ वारे॑भिरर्षति । सा॒ह्वान्विश्वा॑ अ॒भि स्पृध॑: ॥१॥ स हि ष्मा॑ जरि॒तृभ्य॒ आ वाजं॒ गोम॑न्त॒मिन्व॑ति । पव॑मानः सह॒स्रिण॑म् ॥२॥ परि॒ विश्वा॑नि॒ चेत॑सा मृ॒शसे॒ पव॑से म॒ती । स न॑: सोम॒ श्रवो॑ विदः ॥३॥ अ॒भ्य॑र्ष बृ॒हद्यशो॑ म॒घव॑द्भ्यो ध्रु॒वं र॒यिम् । इषं॑ स्तो॒तृभ्य॒ आ भ॑र ॥४॥ त्वं राजे॑व सुव्र॒तो गिर॑: सो॒मा वि॑वेशिथ । पु॒ना॒नो व॑ह्ने अद्भुत ॥५॥ स वह्नि॑र॒प्सु दु॒ष्टरो॑ मृ॒ज्यमा॑नो॒ गभ॑स्त्योः । सोम॑श्च॒मूषु॑ सीदति ॥

Transliteration

7 kāśyapo'sito devalo vā | pavamāna: soma: | gāyatrī | pra ka॒virde॒vavī̭ta॒ye'vyo॒ vārḙbhirarṣati | sā॒hvānviśvā̭ a॒bhi spṛdha̭: ||1|| sa hi ṣmā̭ jari॒tṛbhya॒ ā vājaṃ॒ goma̭nta॒minva̭ti | pava̭mānaḥ saha॒sriṇa̭m ||2|| pari॒ viśvā̭ni॒ ceta̭sā mṛ॒śase॒ pava̭se ma॒tī | sa na̭: soma॒ śravo̭ vidaḥ ||3|| a॒bhya̭rṣa bṛ॒hadyaśo̭ ma॒ghava̭dbhyo dhru॒vaṃ ra॒yim | iṣaṃ̭ sto॒tṛbhya॒ ā bha̭ra ||4|| tvaṃ rājḙva suvra॒to gira̭: so॒mā vi̭veśitha | pu॒nā॒no va̭hne adbhuta ||5|| sa vahni̭ra॒psu du॒ṣṭaro̭ mṛ॒jyamā̭no॒ gabha̭styoḥ | soma̭śca॒mūṣṷ sīdati ||