Rigveda 9.100

ऋग्वेद 9.100

VedicUniversal

Sanskrit Text

९ रेभसूनू काश्यपौ । पवमान: सोम: । अनुष्टुप् । अ॒भी न॑वन्ते अ॒द्रुह॑: प्रि॒यमिन्द्र॑स्य॒ काम्य॑म् । व॒त्सं न पूर्व॒ आयु॑नि जा॒तं रि॑हन्ति मा॒तर॑: ॥१॥ पु॒ना॒न इ॑न्द॒वा भ॑र॒ सोम॑ द्वि॒बर्ह॑सं र॒यिम् । त्वं वसू॑नि पुष्यसि॒ विश्वा॑नि दा॒शुषो॑ गृ॒हे ॥२॥ त्वं धियं॑ मनो॒युजं॑ सृ॒जा वृ॒ष्टिं न त॑न्य॒तुः । त्वं वसू॑नि॒ पार्थि॑वा दि॒व्या च॑ सोम पुष्यसि ॥३॥ परि॑ ते जि॒ग्युषो॑ यथा॒ धारा॑ सु॒तस्य॑ धावति । रंह॑माणा॒ व्य१व्ययं॒ वारं॑ वा॒जीव॑ सान॒सिः ॥४॥ क्रत्वे॒ दक्षा॑य नः कवे॒ पव॑स्व सोम॒ धार॑या । इन्द्रा

Transliteration

9 rebhasūnū kāśyapau | pavamāna: soma: | anuṣṭup | a॒bhī na̭vante a॒druha̭: pri॒yamindra̭sya॒ kāmya̭m | va॒tsaṃ na pūrva॒ āyṷni jā॒taṃ ri̭hanti mā॒tara̭: ||1|| pu॒nā॒na i̭nda॒vā bha̭ra॒ soma̭ dvi॒barha̭saṃ ra॒yim | tvaṃ vasṷ̄ni puṣyasi॒ viśvā̭ni dā॒śuṣo̭ gṛ॒he ||2|| tvaṃ dhiyaṃ̭ mano॒yujaṃ̭ sṛ॒jā vṛ॒ṣṭiṃ na ta̭nya॒tuḥ | tvaṃ vasṷ̄ni॒ pārthi̭vā di॒vyā ca̭ soma puṣyasi ||3|| pari̭ te ji॒gyuṣo̭ yathā॒ dhārā̭ su॒tasya̭ dhāvati | raṃha̭māṇā॒ vya1vyayaṃ॒ vāraṃ̭ vā॒jīva̭ sāna॒siḥ ||4|| kratve॒ dakṣā̭ya naḥ kave॒ pava̭sva soma॒ dhāra̭yā | indrā