Rigveda 6.59

ऋग्वेद 6.59

VedicUniversal

Sanskrit Text

१० बार्हस्पत्यो भरद्वाज: ।इन्द्राग्नी ।बृहती, ७-१० अनुष्टप् । प्र नु वो॑चा सु॒तेषु॑ वां वी॒र्या॒३ यानि॑ च॒क्रथु॑: । ह॒तासो॑ वां पि॒तरो॑ दे॒वश॑त्रव॒ इन्द्रा॑ग्नी॒ जीव॑थो यु॒वम् ॥१॥ बळि॒त्था म॑हि॒मा वा॒मिन्द्रा॑ग्नी॒ पनि॑ष्ठ॒ आ । स॒मा॒नो वां॑ जनि॒ता भ्रात॑रा यु॒वं य॒मावि॒हेह॑मातरा ॥२॥ ओ॒कि॒वांसा॑ सु॒ते सचाँ॒ अश्वा॒ सप्ती॑ इ॒वाद॑ने । इन्द्रा॒ न्व१ग्नी अव॑से॒ह व॒ज्रिणा॑ व॒यं दे॒वा ह॑वामहे ॥३॥ य इ॑न्द्राग्नी सु॒तेषु॑ वां॒ स्तव॒त्तेष्वृ॑तावृधा । जो॒ष॒वा॒कं वद॑तः पज्रहोषिणा॒ न दे॑वा भ॒सथ॑श्च॒न ॥४॥

Transliteration

10 bārhaspatyo bharadvāja: |indrāgnī |bṛhatī, 7-10 anuṣṭap | pra nu vo̭cā su॒teṣṷ vāṃ vī॒ryā॒3 yāni̭ ca॒krathṷ: | ha॒tāso̭ vāṃ pi॒taro̭ de॒vaśa̭trava॒ indrā̭gnī॒ jīva̭tho yu॒vam ||1|| bal̤i॒tthā ma̭hi॒mā vā॒mindrā̭gnī॒ pani̭ṣṭha॒ ā | sa॒mā॒no vāṃ̭ jani॒tā bhrāta̭rā yu॒vaṃ ya॒māvi॒heha̭mātarā ||2|| o॒ki॒vāṃsā̭ su॒te sacā~॒ aśvā॒ saptī̭ i॒vāda̭ne | indrā॒ nva1gnī ava̭se॒ha va॒jriṇā̭ va॒yaṃ de॒vā ha̭vāmahe ||3|| ya i̭ndrāgnī su॒teṣṷ vāṃ॒ stava॒tteṣvṛ̭tāvṛdhā | jo॒ṣa॒vā॒kaṃ vada̭taḥ pajrahoṣiṇā॒ na dḙvā bha॒satha̭śca॒na ||4||