Rigveda 6.57

ऋग्वेद 6.57

VedicUniversal

Sanskrit Text

६ बार्हस्पत्यो भरद्वाज: ।इंद्रापूषणौ । गायत्री । इन्द्रा॒ नु पू॒षणा॑ व॒यं स॒ख्याय॑ स्व॒स्तये॑ । हु॒वेम॒ वाज॑सातये ॥१॥ सोम॑म॒न्य उपा॑सद॒त्पात॑वे च॒म्वो॑: सु॒तम् । क॒र॒म्भम॒न्य इ॑च्छति ॥२॥ अ॒जा अ॒न्यस्य॒ वह्न॑यो॒ हरी॑ अ॒न्यस्य॒ सम्भृ॑ता । ताभ्यां॑ वृ॒त्राणि॑ जिघ्नते ॥३॥ यदिन्द्रो॒ अन॑य॒द्रितो॑ म॒हीर॒पो वृष॑न्तमः । तत्र॑ पू॒षाभ॑व॒त्सचा॑ ॥४॥ तां पू॒ष्णः सु॑म॒तिं व॒यं वृ॒क्षस्य॒ प्र व॒यामि॑व । इन्द्र॑स्य॒ चा र॑भामहे ॥५॥ उत्पू॒षणं॑ युवामहे॒ऽभीशूँ॑रिव॒ सार॑थिः । म॒ह्या इन्द्रं॑ स्व॒स्तये॑ ॥६॥

Transliteration

6 bārhaspatyo bharadvāja: |iṃdrāpūṣaṇau | gāyatrī | indrā॒ nu pū॒ṣaṇā̭ va॒yaṃ sa॒khyāya̭ sva॒stayḙ | hu॒vema॒ vāja̭sātaye ||1|| soma̭ma॒nya upā̭sada॒tpāta̭ve ca॒mvo̭: su॒tam | ka॒ra॒mbhama॒nya i̭cchati ||2|| a॒jā a॒nyasya॒ vahna̭yo॒ harī̭ a॒nyasya॒ sambhṛ̭tā | tābhyāṃ̭ vṛ॒trāṇi̭ jighnate ||3|| yadindro॒ ana̭ya॒drito̭ ma॒hīra॒po vṛṣa̭ntamaḥ | tatra̭ pū॒ṣābha̭va॒tsacā̭ ||4|| tāṃ pū॒ṣṇaḥ sṷma॒tiṃ va॒yaṃ vṛ॒kṣasya॒ pra va॒yāmi̭va | indra̭sya॒ cā ra̭bhāmahe ||5|| utpū॒ṣaṇaṃ̭ yuvāmahe॒'bhīśū~̭riva॒ sāra̭thiḥ | ma॒hyā indraṃ̭ sva॒stayḙ ||6||