Rigveda 6.55

ऋग्वेद 6.55

VedicUniversal

Sanskrit Text

६ बार्हस्पत्यो भरद्वाज: ।पूषा । गायत्री । एहि॒ वां वि॑मुचो नपा॒दाघृ॑णे॒ सं स॑चावहै । र॒थीॠ॒तस्य॑ नो भव ॥१॥ र॒थीत॑मं कप॒र्दिन॒मीशा॑नं॒ राध॑सो म॒हः । रा॒यः सखा॑यमीमहे ॥२॥ रा॒यो धारा॑स्याघृणे॒ वसो॑ रा॒शिर॑जाश्व । धीव॑तोधीवत॒: सखा॑ ॥३॥ पू॒षणं॒ न्व१जाश्व॒मुप॑ स्तोषाम वा॒जिन॑म् । स्वसु॒र्यो जा॒र उ॒च्यते॑ ॥४॥ मा॒तुर्दि॑धि॒षुम॑ब्रवं॒ स्वसु॑र्जा॒रः शृ॑णोतु नः । भ्रातेन्द्र॑स्य॒ सखा॒ मम॑ ॥५॥ आजास॑: पू॒षणं॒ रथे॑ निशृ॒म्भास्ते ज॑न॒श्रिय॑म् । दे॒वं व॑हन्तु॒ बिभ्र॑तः ॥६॥

Transliteration

6 bārhaspatyo bharadvāja: |pūṣā | gāyatrī | ehi॒ vāṃ vi̭muco napā॒dāghṛ̭ṇe॒ saṃ sa̭cāvahai | ra॒thīṝ॒tasya̭ no bhava ||1|| ra॒thīta̭maṃ kapa॒rdina॒mīśā̭naṃ॒ rādha̭so ma॒haḥ | rā॒yaḥ sakhā̭yamīmahe ||2|| rā॒yo dhārā̭syāghṛṇe॒ vaso̭ rā॒śira̭jāśva | dhīva̭todhīvata॒: sakhā̭ ||3|| pū॒ṣaṇaṃ॒ nva1jāśva॒mupa̭ stoṣāma vā॒jina̭m | svasu॒ryo jā॒ra u॒cyatḙ ||4|| mā॒turdi̭dhi॒ṣuma̭bravaṃ॒ svasṷrjā॒raḥ śṛ̭ṇotu naḥ | bhrātendra̭sya॒ sakhā॒ mama̭ ||5|| ājāsa̭: pū॒ṣaṇaṃ॒ rathḙ niśṛ॒mbhāste ja̭na॒śriya̭m | de॒vaṃ va̭hantu॒ bibhra̭taḥ ||6||