Rigveda 1.78

ऋग्वेद 1.78

VedicUniversal

Sanskrit Text

५ गोतमो राहूगणः। अग्निः। गायत्री। अ॒भि त्वा॒ गोत॑मा गि॒रा जात॑वेदो॒ विच॑र्षणे । द्यु॒म्नैर॒भि प्र णो॑नुमः ॥१॥ तमु॑ त्वा॒ गोत॑मो गि॒रा रा॒यस्का॑मो दुवस्यति । द्यु॒म्नैर॒भि प्र णो॑नुमः ॥२॥ तमु॑ त्वा वाज॒सात॑ममङ्गिर॒स्वद्ध॑वामहे । द्यु॒म्नैर॒भि प्र णो॑नुमः ॥३॥ तमु॑ त्वा वृत्र॒हन्त॑मं॒ यो दस्यूँ॑रवधूनु॒षे । द्यु॒म्नैर॒भि प्र णो॑नुमः ॥४॥ अवो॑चाम॒ रहू॑गणा अ॒ग्नये॒ मधु॑म॒द् वच॑: । द्यु॒म्नैर॒भि प्र णो॑नुमः ॥५॥

Transliteration

5 gotamo rāhūgaṇaḥ| agniḥ| gāyatrī| a॒bhi tvā॒ gota̭mā gi॒rā jāta̭vedo॒ vica̭rṣaṇe | dyu॒mnaira॒bhi pra ṇo̭numaḥ ||1|| tamṷ tvā॒ gota̭mo gi॒rā rā॒yaskā̭mo duvasyati | dyu॒mnaira॒bhi pra ṇo̭numaḥ ||2|| tamṷ tvā vāja॒sāta̭mamaṅgira॒svaddha̭vāmahe | dyu॒mnaira॒bhi pra ṇo̭numaḥ ||3|| tamṷ tvā vṛtra॒hanta̭maṃ॒ yo dasyū~̭ravadhūnu॒ṣe | dyu॒mnaira॒bhi pra ṇo̭numaḥ ||4|| avo̭cāma॒ rahṷ̄gaṇā a॒gnaye॒ madhṷma॒d vaca̭: | dyu॒mnaira॒bhi pra ṇo̭numaḥ ||5||