Rigveda 1.75

ऋग्वेद 1.75

VedicUniversal

Sanskrit Text

५ गोतमो राहूगणः। अग्निः। गायत्री। जु॒षस्व॑ स॒प्रथ॑स्तमं॒ वचो॑ दे॒वप्स॑रस्तमम् । ह॒व्या जुह्वा॑न आ॒सनि॑ ॥१॥ अथा॑ ते अङ्गिरस्त॒माग्ने॑ वेधस्तम प्रि॒यम् । वो॒चेम॒ ब्रह्म॑ सान॒सि ॥२॥ कस्ते॑ जा॒मिर्जना॑ना॒मग्ने॒ को दा॒श्व॑ध्वरः । को ह॒ कस्मि॑न्नसि श्रि॒तः ॥३॥ त्वं जा॒मिर्जना॑ना॒मग्ने॑ मि॒त्रो अ॑सि प्रि॒यः । सखा॒ सखि॑भ्य॒ ईड्य॑: ॥४॥ यजा॑ नो मि॒त्रावरु॑णा॒ यजा॑ दे॒वाँ ऋ॒तं बृ॒हत् । अग्ने॒ यक्षि॒ स्वं दम॑म् ॥५॥

Transliteration

5 gotamo rāhūgaṇaḥ| agniḥ| gāyatrī| ju॒ṣasva̭ sa॒pratha̭stamaṃ॒ vaco̭ de॒vapsa̭rastamam | ha॒vyā juhvā̭na ā॒sani̭ ||1|| athā̭ te aṅgirasta॒māgnḙ vedhastama pri॒yam | vo॒cema॒ brahma̭ sāna॒si ||2|| kastḙ jā॒mirjanā̭nā॒magne॒ ko dā॒śva̭dhvaraḥ | ko ha॒ kasmi̭nnasi śri॒taḥ ||3|| tvaṃ jā॒mirjanā̭nā॒magnḙ mi॒tro a̭si pri॒yaḥ | sakhā॒ sakhi̭bhya॒ īḍya̭: ||4|| yajā̭ no mi॒trāvarṷṇā॒ yajā̭ de॒vā~ ṛ॒taṃ bṛ॒hat | agne॒ yakṣi॒ svaṃ dama̭m ||5||