Rigveda 1.57

ऋग्वेद 1.57

VedicUniversal

Sanskrit Text

६ सव्य आङ्गिरसः। इन्द्रः। जगती। प्र मंहि॑ष्ठाय बृह॒ते बृ॒हद्र॑ये स॒त्यशु॑ष्माय त॒वसे॑ म॒तिं भ॑रे । अ॒पामि॑व प्रव॒णे यस्य॑ दु॒र्धरं॒ राधो॑ वि॒श्वायु॒ शव॑से॒ अपा॑वृतम् ॥१॥ अध॑ ते॒ विश्व॒मनु॑ हासदि॒ष्टय॒ आपो॑ नि॒म्नेव॒ सव॑ना ह॒विष्म॑तः । यत् पर्व॑ते॒ न स॒मशी॑त हर्य॒त इन्द्र॑स्य॒ वज्र॒: श्नथि॑ता हिर॒ण्यय॑: ॥२॥ अ॒स्मै भी॒माय॒ नम॑सा॒ सम॑ध्व॒र उषो॒ न शु॑भ्र॒ आ भ॑रा॒ पनी॑यसे । यस्य॒ धाम॒ श्रव॑से॒ नामे॑न्द्रि॒यं ज्योति॒रका॑रि ह॒रितो॒ नाय॑से ॥३॥

Transliteration

6 savya āṅgirasaḥ| indraḥ| jagatī| pra maṃhi̭ṣṭhāya bṛha॒te bṛ॒hadra̭ye sa॒tyaśṷṣmāya ta॒vasḙ ma॒tiṃ bha̭re | a॒pāmi̭va prava॒ṇe yasya̭ du॒rdharaṃ॒ rādho̭ vi॒śvāyu॒ śava̭se॒ apā̭vṛtam ||1|| adha̭ te॒ viśva॒manṷ hāsadi॒ṣṭaya॒ āpo̭ ni॒mneva॒ sava̭nā ha॒viṣma̭taḥ | yat parva̭te॒ na sa॒maśī̭ta harya॒ta indra̭sya॒ vajra॒: śnathi̭tā hira॒ṇyaya̭: ||2|| a॒smai bhī॒māya॒ nama̭sā॒ sama̭dhva॒ra uṣo॒ na śṷbhra॒ ā bha̭rā॒ panī̭yase | yasya॒ dhāma॒ śrava̭se॒ nāmḙndri॒yaṃ jyoti॒rakā̭ri ha॒rito॒ nāya̭se ||3||