Rigveda 1.104

ऋग्वेद 1.104

VedicUniversal

Sanskrit Text

९ कुत्स आङ्गिरसः। इन्द्रः। त्रिष्टुप्। योनि॑ष्ट इन्द्र नि॒षदे॑ अकारि॒ तमा नि षी॑द स्वा॒नो नार्वा॑ । वि॒मुच्या॒ वयो॑ऽव॒सायाश्वा॑न् दो॒षा वस्तो॒र्वही॑यसः प्रपि॒त्वे ॥१॥ ओ त्ये नर॒ इन्द्र॑मू॒तये॑ गु॒र्नू चि॒त् तान् त्स॒द्यो अध्व॑नो जगम्यात् । दे॒वासो॑ म॒न्युं दास॑स्य श्चम्न॒न् ते न॒ आ व॑क्षन् त्सुवि॒ताय॒ वर्ण॑म् ॥२॥ अव॒ त्मना॑ भरते॒ केत॑वेदा॒ अव॒ त्मना॑ भरते॒ फेन॑मु॒दन् । क्षी॒रेण॑ स्नात॒: कुय॑वस्य॒ योषे॑ ह॒ते ते स्या॑तां प्रव॒णे शिफा॑याः ॥३॥

Transliteration

9 kutsa āṅgirasaḥ| indraḥ| triṣṭup| yoni̭ṣṭa indra ni॒ṣadḙ akāri॒ tamā ni ṣī̭da svā॒no nārvā̭ | vi॒mucyā॒ vayo̭'va॒sāyāśvā̭n do॒ṣā vasto॒rvahī̭yasaḥ prapi॒tve ||1|| o tye nara॒ indra̭mū॒tayḙ gu॒rnū ci॒t tān tsa॒dyo adhva̭no jagamyāt | de॒vāso̭ ma॒nyuṃ dāsa̭sya ścamna॒n te na॒ ā va̭kṣan tsuvi॒tāya॒ varṇa̭m ||2|| ava॒ tmanā̭ bharate॒ keta̭vedā॒ ava॒ tmanā̭ bharate॒ phena̭mu॒dan | kṣī॒reṇa̭ snāta॒: kuya̭vasya॒ yoṣḙ ha॒te te syā̭tāṃ prava॒ṇe śiphā̭yāḥ ||3||