Atharvaveda 20.8

अथर्ववेद 20.8

VedicProtection

Sanskrit Text

(१-३) १ भरद्वाजः, २ कुत्सः, ३ विश्वामित्रः। इन्द्रः। त्रिष्टुप्। ए॒वा पा॑हि प्र॒त्नथा॒ मन्द॑तु त्वा श्रु॒धि ब्रह्म॑ वावृ॒धस्वो॒त गी॒र्भिः । आ॒विः सूर्यं॑ कृणु॒हि पी॑पि॒हीषो॑ ज॒हि शत्रूं॑र॒भि गा इ॑न्द्र तृन्धि ॥१॥ अ॒र्वाङेहि॒ सोम॑कामं त्वाहुर॒यं सु॒तस्तस्य॑ पिबा॒ मदा॑य । उ॒रु॒व्यचा॑ ज॒ठर॒ आ वृ॑षस्व पि॒तेव॑ नः शृणुहि हू॒यमा॑नः ॥२॥ आपू॑र्णो अस्य क॒लशः॒ स्वाहा॒ सेक्ते॑व॒ कोशं॑ सिसिचे॒ पिब॑ध्यै । समु॑ प्रि॒या आव॑वृत्र॒न् मदा॑य प्रदक्षि॒णिद॒भि सोमा॑स॒ इन्द्र॑म्॥३॥

Transliteration

(1-3) 1 bharadvājaḥ, 2 kutsaḥ, 3 viśvāmitraḥ| indraḥ| triṣṭup| e॒vā pā̭hi pra॒tnathā॒ manda̭tu tvā śru॒dhi brahma̭ vāvṛ॒dhasvo॒ta gī॒rbhiḥ | ā॒viḥ sūryaṃ̭ kṛṇu॒hi pī̭pi॒hīṣo̭ ja॒hi śatrūṃ̭ra॒bhi gā i̭ndra tṛndhi ||1|| a॒rvāṅehi॒ soma̭kāmaṃ tvāhura॒yaṃ su॒tastasya̭ pibā॒ madā̭ya | u॒ru॒vyacā̭ ja॒ṭhara॒ ā vṛ̭ṣasva pi॒teva̭ naḥ śṛṇuhi hū॒yamā̭naḥ ||2|| āpṷ̄rṇo asya ka॒laśaḥ॒ svāhā॒ sektḙva॒ kośaṃ̭ sisice॒ piba̭dhyai | samṷ pri॒yā āva̭vṛtra॒n madā̭ya pradakṣi॒ṇida॒bhi somā̭sa॒ indra̭m||3||