Atharvaveda 20.26

अथर्ववेद 20.26

VedicProtection

Sanskrit Text

योगे॑योगे त॒वस्त॑रं॒ वाजे॑वाजे हवामहे । सखा॑य॒ इन्द्र॑मू॒तये॑ ॥१॥ आ घा॑ गम॒द् यदि॒ श्रव॑त् सह॒स्रिणी॑भिरू॒तिभिः॑ । वाजे॑भि॒रुप॑ नो॒ हव॑म्॥२॥ अनु॑ प्र॒त्नस्यौक॑सो हु॒वे तु॑विप्र॒तिं नर॑म्। यं ते॒ पूर्वं॑ पि॒ता हु॒वे॥३॥ यु॒ञ्जन्ति॑ ब्र॒ध्नम॑रु॒षं चर॑न्तं॒ परि॑ त॒स्थुषः॑ । रोच॑न्ते रोच॒ना दि॒वि॥४॥ यु॒ञ्जन्त्य॑स्य॒ काम्या॒ हरी॒ विप॑क्षसा॒ रथे॑ । शोणा॑ धृ॒ष्णू नृ॒वाह॑सा ॥५॥ के॒तुं कृ॒ण्वन्न॑के॒तवे॒ पेशो॑ मर्या अपे॒शसे॑ । समु॒षद्भि॑रजायथाः ॥६॥

Transliteration

yogḙyoge ta॒vasta̭raṃ॒ vājḙvāje havāmahe | sakhā̭ya॒ indra̭mū॒tayḙ ||1|| ā ghā̭ gama॒d yadi॒ śrava̭t saha॒sriṇī̭bhirū॒tibhiḥ̭ | vājḙbhi॒rupa̭ no॒ hava̭m||2|| anṷ pra॒tnasyauka̭so hu॒ve tṷvipra॒tiṃ nara̭m| yaṃ te॒ pūrvaṃ̭ pi॒tā hu॒ve||3|| yu॒ñjanti̭ bra॒dhnama̭ru॒ṣaṃ cara̭ntaṃ॒ pari̭ ta॒sthuṣaḥ̭ | roca̭nte roca॒nā di॒vi||4|| yu॒ñjantya̭sya॒ kāmyā॒ harī॒ vipa̭kṣasā॒ rathḙ | śoṇā̭ dhṛ॒ṣṇū nṛ॒vāha̭sā ||5|| ke॒tuṃ kṛ॒ṇvanna̭ke॒tave॒ peśo̭ maryā ape॒śasḙ | samu॒ṣadbhi̭rajāyathāḥ ||6||