Atharvaveda 20.137

अथर्ववेद 20.137

VedicProtection

Sanskrit Text

यद्ध॒ प्राची॒रज॑ग॒न्तोरो॑ मण्डूरधाणिकीः । ह॒ता इन्द्र॑स्य॒ शत्र॑वः॒ सर्वे॑ बुद्बु॒दया॑शवः ॥१॥ कपृ॑न्नरः कपृ॒थमुद्द॑धातन चो॒दय॑त खु॒दत॒ वाज॑सातये । नि॒ष्टि॒ग्र्यः पु॒त्रमा च्या॑वयो॒तय॒ इन्द्रं॑ स॒बाध॑ इ॒ह सोम॑पीतये ॥२॥ द॒धि॒क्राव्णो॑ अकारिषं जि॒ष्णोरश्व॑स्य वा॒जिनः॑ । सु॒र॒भि नो॒ मुखा॑ कर॒त्प्र ण॒ आयूं॑षि तारिषत्॥३॥ सु॒तासो॒ मधु॑मत्तमाः॒ सोमा॒ इन्द्रा॑य म॒न्दिनः॑ । प॒वित्र॑वन्तो अक्षरन्दे॒वान्ग॑च्छ॑न्तु वो॒ मदाः॑ ॥४॥ इन्दु॒रिन्द्रा॑य पवत॒ इति॑ दे॒वासो॑ अब्रुवन्। वा॒चस्पति॑र्मखस्यते॒ विश्व॒स्येशा॑

Transliteration

yaddha॒ prācī॒raja̭ga॒ntoro̭ maṇḍūradhāṇikīḥ | ha॒tā indra̭sya॒ śatra̭vaḥ॒ sarvḙ budbu॒dayā̭śavaḥ ||1|| kapṛ̭nnaraḥ kapṛ॒thamudda̭dhātana co॒daya̭ta khu॒data॒ vāja̭sātaye | ni॒ṣṭi॒gryaḥ pu॒tramā cyā̭vayo॒taya॒ indraṃ̭ sa॒bādha̭ i॒ha soma̭pītaye ||2|| da॒dhi॒krāvṇo̭ akāriṣaṃ ji॒ṣṇoraśva̭sya vā॒jinaḥ̭ | su॒ra॒bhi no॒ mukhā̭ kara॒tpra ṇa॒ āyūṃ̭ṣi tāriṣat||3|| su॒tāso॒ madhṷmattamāḥ॒ somā॒ indrā̭ya ma॒ndinaḥ̭ | pa॒vitra̭vanto akṣarande॒vānga̭ccha̭ntu vo॒ madāḥ̭ ||4|| indu॒rindrā̭ya pavata॒ iti̭ de॒vāso̭ abruvan| vā॒caspati̭rmakhasyate॒ viśva॒syeśā̭