Atharvaveda 20.130

अथर्ववेद 20.130

VedicProtection

Sanskrit Text

खिलानि । को अ॑र्य बहु॒लिमा॒ इषू॑नि ॥१॥ को असि॒द्याः पयः॑ ॥२॥ को अर्जु॑न्याः॒ पयः॑ ॥३॥ कः का॒र्ष्ण्याः पयः॑ ॥४॥ ए॒तं पृ॑च्छ॒ कुहं॑ पृच्छ ॥५॥ कुहा॑कं पक्व॒कं पृ॑च्छ ॥६॥ यवा॑नो यति॒ष्वभिः॑ कुभिः ॥७॥ अकु॑प्यन्तः॒ कुपा॑यकुः ॥८॥ आम॑णको॒ मण॑त्सकः ॥९॥ देव॑ त्वप्रतिसूर्य ॥१०॥ एन॑श्चिपङ्क्ति॒का ह॒विः ॥११॥ प्रदुद्रु॑दो॒ मघा॑प्रति ॥१२॥ शृङ्ग॑ उत्पन्न ॥१३॥ मा त्वा॑भि॒ सखा॑ नो विदन्॥१४॥ व॒शायाः॑ पु॒त्रमा य॑न्ति ॥१५॥ इरा॑वेदु॒मयं॑ दत ॥१६॥ अथो॑ इ॒यन्निय॒न्निति॑ ॥१७॥ अथो॑ इ॒यन्निति॑ ॥१८॥ अथो॒ श्वा अस्थि॑रो भवन्॥

Transliteration

khilāni | ko a̭rya bahu॒limā॒ iṣṷ̄ni ||1|| ko asi॒dyāḥ payaḥ̭ ||2|| ko arjṷnyāḥ॒ payaḥ̭ ||3|| kaḥ kā॒rṣṇyāḥ payaḥ̭ ||4|| e॒taṃ pṛ̭ccha॒ kuhaṃ̭ pṛccha ||5|| kuhā̭kaṃ pakva॒kaṃ pṛ̭ccha ||6|| yavā̭no yati॒ṣvabhiḥ̭ kubhiḥ ||7|| akṷpyantaḥ॒ kupā̭yakuḥ ||8|| āma̭ṇako॒ maṇa̭tsakaḥ ||9|| deva̭ tvapratisūrya ||10|| ena̭ścipaṅkti॒kā ha॒viḥ ||11|| pradudrṷdo॒ maghā̭prati ||12|| śṛṅga̭ utpanna ||13|| mā tvā̭bhi॒ sakhā̭ no vidan||14|| va॒śāyāḥ̭ pu॒tramā ya̭nti ||15|| irā̭vedu॒mayaṃ̭ data ||16|| atho̭ i॒yanniya॒nniti̭ ||17|| atho̭ i॒yanniti̭ ||18|| atho॒ śvā asthi̭ro bhavan||