Atharvaveda 1.32

अथर्ववेद 1.32

VedicProtection

Sanskrit Text

महद्ब्रह्म। १-४ ब्रह्मा। द्यावापृथिवी। अनुष्टुप्, २ ककुम्मत्यनुष्टुप्। इ॒दं ज॑नासो वि॒दथ॑ म॒हद् ब्रह्म॑ वदिष्यति । न तत् पृ॑थिव्यां नो दि॒वि येन॑ प्रा॒णन्ति॑ वी॒रुधः॑ ॥१॥ अ॒न्तरि॑क्ष आसां॒ स्थाम॑ श्रान्त॒सदा॑मिव । आ॒स्थान॑म॒स्य भू॒तस्य॑ वि॒दुष्टद् वे॒धसो॒ न वा॑ ॥२॥ यद् रोद॑सी॒ रेज॑माने॒ भूमि॑श्च नि॒रत॑क्षतम्। आ॒र्द्रं तद॒द्य स॑र्व॒दा स॑मु॒द्रस्ये॑व स्रो॒त्याः ॥३॥ विश्व॑म॒न्याम॑भी॒वार॒ तद॒न्यस्या॒मधि॑श्रि॒तम्। दि॒वे च॑ वि॒श्ववे॑दसे पृथि॒व्यै चा॑करं॒ नमः॑ ॥४॥

Transliteration

mahadbrahma| 1-4 brahmā| dyāvāpṛthivī| anuṣṭup, 2 kakummatyanuṣṭup| i॒daṃ ja̭nāso vi॒datha̭ ma॒had brahma̭ vadiṣyati | na tat pṛ̭thivyāṃ no di॒vi yena̭ prā॒ṇanti̭ vī॒rudhaḥ̭ ||1|| a॒ntari̭kṣa āsāṃ॒ sthāma̭ śrānta॒sadā̭miva | ā॒sthāna̭ma॒sya bhū॒tasya̭ vi॒duṣṭad ve॒dhaso॒ na vā̭ ||2|| yad roda̭sī॒ reja̭māne॒ bhūmi̭śca ni॒rata̭kṣatam| ā॒rdraṃ tada॒dya sa̭rva॒dā sa̭mu॒drasyḙva sro॒tyāḥ ||3|| viśva̭ma॒nyāma̭bhī॒vāra॒ tada॒nyasyā॒madhi̭śri॒tam| di॒ve ca̭ vi॒śvavḙdase pṛthi॒vyai cā̭karaṃ॒ namaḥ̭ ||4||