Atharvaveda 1.24

अथर्ववेद 1.24

VedicProtection

Sanskrit Text

शत्रुनिवारणम्। १-४ ब्रह्मा। आसुरी वनस्पतिः। अनुष्टुप्, २ निचृत्पथ्यापङ्क्तिः। सु॒प॒र्णो जा॒तः प्र॑थ॒मस्तस्य॒ त्वं पि॒त्तमा॑सिथ । तदा॑सु॒री यु॒धा जि॒ता रू॒पं च॑क्रे॒ वन॒स्पती॑न्॥१॥ आ॒सु॒री च॑क्रे प्रथ॒मेदं कि॑लासभेष॒जमि॒दं कि॑लास॒नाश॑नम्। अनी॑नशत् कि॒लासं॒ सरू॑पामकर॒त् त्वच॑म्॥२॥ सरू॑पा॒ नाम॑ ते मा॒ता सरू॑पो॒ नाम॑ ते पि॒ता। स॒रू॒प॒कृत् त्वमो॑षधे॒ सा सरू॑पमि॒दं कृ॑धि ॥३॥ श्या॒मा स॑रूपं॒कर॑णी पृथि॒व्या अध्युद्भृ॑ता । इ॒दमू॒ षु प्र सा॑धय॒ पुना॑ रू॒पाणि॑ कल्पय ॥४॥

Transliteration

śatrunivāraṇam| 1-4 brahmā| āsurī vanaspatiḥ| anuṣṭup, 2 nicṛtpathyāpaṅktiḥ| su॒pa॒rṇo jā॒taḥ pra̭tha॒mastasya॒ tvaṃ pi॒ttamā̭sitha | tadā̭su॒rī yu॒dhā ji॒tā rū॒paṃ ca̭kre॒ vana॒spatī̭n||1|| ā॒su॒rī ca̭kre pratha॒medaṃ ki̭lāsabheṣa॒jami॒daṃ ki̭lāsa॒nāśa̭nam| anī̭naśat ki॒lāsaṃ॒ sarṷ̄pāmakara॒t tvaca̭m||2|| sarṷ̄pā॒ nāma̭ te mā॒tā sarṷ̄po॒ nāma̭ te pi॒tā| sa॒rū॒pa॒kṛt tvamo̭ṣadhe॒ sā sarṷ̄pami॒daṃ kṛ̭dhi ||3|| śyā॒mā sa̭rūpaṃ॒kara̭ṇī pṛthi॒vyā adhyudbhṛ̭tā | i॒damū॒ ṣu pra sā̭dhaya॒ punā̭ rū॒pāṇi̭ kalpaya ||4||