Atharvaveda 1.23

अथर्ववेद 1.23

VedicProtection

Sanskrit Text

शत्रुनिवारणम्। १-४ अथर्वा। वनस्पतिः(असिक्निः)। अनुष्टुप्। न॒क्तं॒जा॒तास्यो॑षधे॒ रामे॒ कृष्णे॒ असि॑क्नि च । इ॒दं र॑जनि रजय कि॒लासं॑ पलि॒तं च॒ यत्॥१॥ कि॒लासं॑ च पलि॒तं च॒ निरि॒तो ना॑शया॒ पृष॑त्। आ त्वा॒ स्वो वि॑शतां॒ वर्णः॒ परा॑ शु॒क्लानि॑ पातय ॥२॥ असि॑तं ते प्र॒लय॑नमा॒स्थान॒मसि॑तं॒ तव॑ । असि॑क्न्यस्योषधे॒ निरि॒तो ना॑शया॒ पृष॑त्॥३॥ अ॒स्थि॒जस्य॑ कि॒लास॑स्य तनू॒जस्य॑ च॒ यत् त्व॒चि। दूष्या॑ कृ॒तस्य॒ ब्रह्म॑णा॒ लक्ष्म॑ श्वे॒तम॑नीनशम्॥४॥

Transliteration

śatrunivāraṇam| 1-4 atharvā| vanaspatiḥ(asikniḥ)| anuṣṭup| na॒ktaṃ॒jā॒tāsyo̭ṣadhe॒ rāme॒ kṛṣṇe॒ asi̭kni ca | i॒daṃ ra̭jani rajaya ki॒lāsaṃ̭ pali॒taṃ ca॒ yat||1|| ki॒lāsaṃ̭ ca pali॒taṃ ca॒ niri॒to nā̭śayā॒ pṛṣa̭t| ā tvā॒ svo vi̭śatāṃ॒ varṇaḥ॒ parā̭ śu॒klāni̭ pātaya ||2|| asi̭taṃ te pra॒laya̭namā॒sthāna॒masi̭taṃ॒ tava̭ | asi̭knyasyoṣadhe॒ niri॒to nā̭śayā॒ pṛṣa̭t||3|| a॒sthi॒jasya̭ ki॒lāsa̭sya tanū॒jasya̭ ca॒ yat tva॒ci| dūṣyā̭ kṛ॒tasya॒ brahma̭ṇā॒ lakṣma̭ śve॒tama̭nīnaśam||4||