Atharvaveda 1.17

अथर्ववेद 1.17

VedicProtection

Sanskrit Text

रुधिरस्रावनिवृत्तये धमनीबन्धनम्। १-४ ब्रह्मा। योषितः धमन्यश्च। अनुष्टुप्, १ भुरिगनुष्टुप्, ४ त्रिपदार्षी गायत्री। अ॒मूर्या यन्ति॑ यो॒षितो॑ हि॒रा लोहि॑तवाससः । अ॒भ्रात॑र इव जा॒मय॒स्तिष्ठ॑न्तु ह॒तव॑र्चसः ॥१॥ तिष्ठा॑वरे॒ तिष्ठ॑ पर उ॒त त्वं ति॑ष्ठ मध्यमे । क॒नि॒ष्ठि॒का च॒ तिष्ठ॑ति॒ तिष्ठा॒दिद्ध॒मनि॑र्म॒ही॥२॥ श॒तस्य॑ ध॒मनी॑नां स॒हस्र॑स्य हि॒राणा॑म्। अस्थु॒रिन्म॑ध्य॒मा इ॒माः सा॒कमन्ता॑ अरंसत ॥३॥ परि॑ वः॒ सिक॑तावती ध॒नूर्बृ॑ह॒त्यऽक्रमीत्।तिष्ठ॑ते॒लय॑ता॒ सु क॑म्॥४॥

Transliteration

rudhirasrāvanivṛttaye dhamanībandhanam| 1-4 brahmā| yoṣitaḥ dhamanyaśca| anuṣṭup, 1 bhuriganuṣṭup, 4 tripadārṣī gāyatrī| a॒mūryā yanti̭ yo॒ṣito̭ hi॒rā lohi̭tavāsasaḥ | a॒bhrāta̭ra iva jā॒maya॒stiṣṭha̭ntu ha॒tava̭rcasaḥ ||1|| tiṣṭhā̭vare॒ tiṣṭha̭ para u॒ta tvaṃ ti̭ṣṭha madhyame | ka॒ni॒ṣṭhi॒kā ca॒ tiṣṭha̭ti॒ tiṣṭhā॒diddha॒mani̭rma॒hī||2|| śa॒tasya̭ dha॒manī̭nāṃ sa॒hasra̭sya hi॒rāṇā̭m| asthu॒rinma̭dhya॒mā i॒māḥ sā॒kamantā̭ araṃsata ||3|| pari̭ vaḥ॒ sika̭tāvatī dha॒nūrbṛ̭ha॒tya'kramīt|tiṣṭha̭te॒laya̭tā॒ su ka̭m||4||